Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 83:1-18

LI TI ATËNË NI

  • Sambela ti zo so atingbi na awato

    • “Nzapa, kanga yanga ti mo ape” (1)

    • Awato ayeke tongana hulengo keke ti sisi (13)

    • Iri ti Nzapa ayeke Jéhovah (18)

Bia. Bia ti Asaph.+ 83  Nzapa, ke pëpe ti sara tënë;+ Nzapa, kanga yanga ti mo* pëpe nga duti kpô pëpe.   Bâ, awato ti mo ayeke sara wusuwusu;+ azo so ake mo ayeke sara ye na baba.*   Na mayele, ala mä terê na hondengo ni ti sara sioni na azo ti mo; ala mä terê ti londo na terê ti azo ti mo so mo ye ala mingi.*   Ala tene: “Ala ga e hunzi ala si ala ngbâ mara mbeni pëpe,+ si a dabe na iri ti Israël encore ape.”   Ala mä terê ti zia mbeni kode na sese;* ala mä terê* ti ke mo:+   A yeke atente ti Édom, ti Ismaël, ti Moab+ na ti aHagrite,+   ti Guébal, ti Ammon+ na ti Amalec, ti Philistie+ legeoko na azo ti Tyr.+   Assyrie+ nga kue abungbi oko na ala; ala mû maboko na* amolenge ti Lot.+ (Sélah)   Sara na ala oko ye so mo sara na azo ti Madian,+ mara ti ye so mo sara na Siséra nga na Jabin na ngu* ti Kishon.+ 10  A futi ala na En-Dor;+ ala ga tongana puru ti anyama na ndö ti sese. 11  Sara si akota zo ti kodro ti ala aga tongana Oreb na Zéeb,+ nga amokonzi ti ala* aga tongana Zébah na Zalmunna,+ 12  ndali ti so ala tene: “Zia e mû kodro so Nzapa aduti dä.” 13  Nzapa ti mbi, sara si ala ga tongana hulengo keke ti sisi* so ayeke tourné na yâ ti pupu,+ tongana poro ti alê ti kobe so pupu ahon na ni. 14  Tongana wâ so agbi gbako kue, nga tongana lê ti wâ so agbi ndö ti ahoto si avuko,+ 15  zia si mo mû kota pupu ti ngu mo tomba peko ti ala na ni+ nga zia mbeto na bê ti ala na lege ti kota pupu ti mo.+ 16  Jéhovah, sara si kamene agbu lê ti awato ti mo,* si azo atourné na mbage ti iri ti mo. 17  Zia si kamene agbu lê ti ala nga mbeto angbâ gï ti hon ndö ti ala lakue; zia si a bi nengo ti ala na sese nga ala kui; 18  zia si azo ahinga so, mo so iri ti mo ayeke Jéhovah,+ Mo oko la mo yeke Lo so ayeke na nduzu na ndö ti aye kue, na ndö ti sese kue.+

Kete tënë

Wala “duti kpô tongana buburu.”
Wala “ayô li ti ala na nduzu.”
Na Hébreu: “azo so a honde ala.”
Na Hébreu: “Ala mä terê, na bê ti ala ayeke oko.”
Wala “te mbele.”
Na Hébreu: “ala ga maboko ti.”
Bâ tënë “popo-hoto” na kete bakari.
Wala “azo so ayeke mû li ni.”
Wala “tongana hulengo pere.”
Na Hébreu: “lê ti awato ti mo asi na kamene.”