Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 81:1-16

LI TI ATËNË NI

  • A wa azo ti mä yanga

    • Voro anzapa ti awande ape (9)

    • ‘Tongana ala mä mbi fade’ (13)

Na mokonzi ti azo ti pikango mozoko; tënë ti Guittith.* Psaume ti Asaph.+ 81  Azo, ala dekongo na ngia na Nzapa so ayeke ngangu ti e.+ Ala dekongo ti songo benda na Nzapa ti Jacob.   Ala to nda ti mozoko, ala mû tambourin, harpe so atoto pendere nga na ambeni ye ti mozoko so ayeke na kamba.   Ala hûru didi na sigingo ti fini nze+ nga na ngoi so lê ti nze asigi kue, ndali ti lango ti matanga ti e.+   So ayeke mbeni mbela so a mû na Israël, mbeni desizion so Nzapa ti Jacob amû ni.+   Nzapa amû ni tongana mbeni tënë ti dango bê ndali ti Joseph,+ na ngoi so lo gue lani ti tiri bira na kodro ti Égypte.+ Mbi mä mbeni go,* me mbi hinga ni pëpe. Go ni atene:   “Mbi zi nengo kungba na ndö ti go ti lo awe;+ mbi zi sakpa na maboko ti lo awe.   Na yâ ti vundu ti mo, mo toto na mbi, na mbi zi mo;+ mbi kiri tënë na mo na yâ ti mbinda so bekpa asungba dä.*+ Mbi tara bê ti mo na terê ti ngu ti Méribah.*+ (Sélah)   Azo ti mbi, ala mä si; mbi yeke fa sioni ti ala na ala. Azo ti Israël, tongana fade ala mä mbi, ka a yeke duti nzoni.+   Na popo ti ala, a yeke wara mbeni nzapa nde pëpe, nga ala yeke kuku na gbe ti mbeni nzapa ti awande pëpe.+ 10  Mbi Jéhovah, mbi yeke Nzapa ti ala, lo so asigi na ala na kodro ti Égypte.+ Ala zi yanga ti ala kota, na mbi yeke zia kobe dä a si.+ 11  Me azo ti mbi amä mbi pëpe; Israël aye ti woko terê ti lo na gbe ti mbi pëpe.+ 12  Tongaso, mbi zia ala ti sara ye alingbi na ngangu-li ti ala; ala sara ye so ala bâ atene ayeke mbilimbili.*+ 13  Tongana fade azo ti mbi amä mbi,+ tongana fade Israël atambela na ndö ti alege ti mbi, ka a yeke nzoni!+ 14  Hio, mbi yeke zia awato ti ala na gbe ti ala; mbi yeke tourné maboko ti mbi na terê ti awato ti ala.+ 15  Azo so ake Jéhovah ayeke dö na mbeto na gbele lo, nga ye so ayeke wara ande ala* ayeke ti lakue lakue. 16  Me lo yeke mû na mo* blé so ayeke nzoni mingi+ si mo te, nga lo yeke mû na mo mafuta ti otoro so asigi na yâ ti kota tênë, ti kaï nzara ti mo.”+

Kete tënë

Wala “yanga ti kodro.”
Na Hébreu: “na ndo so bekpa ahonde terê ti lo dä.”
Ndani aye ti tene “Papa.”
Na Hébreu: “ala tambela na lege ti awango ti ala.”
Na Hébreu: “ngoi ti ala.”
Na Hébreu: “lo,” so ti tene azo ti Nzapa.