Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 8:1-9

LI TI ATËNË NI

  • Gloire ti Nzapa nga nengo so lo mû na zo

    • “Iri ti mo ayeke kota mingi!” (1, 9)

    • ‘Zo ti sese ayeke gï nyen?’ (4)

    • Nzapa azia couronne ti gloire na li ti zo (5)

Na mokonzi ti azo ti pikango mozoko. Tënë ti Guittith.* Bia ti David. 8  Jéhovah, Seigneur ti e, iri ti mo ayeke kota mingi na ndö ti sese kue! Mo zia gloire ti mo na nduzu ahon même yayu.*+   Na lege ti tënë ti yanga ti amolenge nga na aforoto,+ mo fa ngangu ti mo polele, ndali ti awato ti mo, ti kanga yanga ti wato na ti zo so akiri peko ti sioni so a sara.   Tongana mbi bâ yayu, akusala ti maboko ti mo, nze na atongoro so mo leke,+   zo ti sese ayeke nyen si mo bi bê ti mo na lo? Nga molenge ti zo ayeke nyen si mo bâ lege ti lo?+   Mo kiri na lo kete kamême na gbe ti a-ange,* na mo zia couronne ti gloire nga na ti nengo zo na li ti lo.   Mo mû na lo komandema na ndö ti akusala ti maboko ti mo;+ mo zia ye kue na gbe ti gere ti lo:   ataba, angasa nga na abagara kue, anyama ti ngonda,+   andeke ti nduzu nga na asusu ti ngu-ingo, ye kue so ayeke hon na yâ ti ngu-ingo.   Jéhovah, Seigneur ti e, iri ti mo ayeke kota mingi na ndö ti sese kue!

Kete tënë

A lingbi nga ti tene “Mo so gloire ti mo so azo asara tënë ni ahon yayu.”
Wala “acréature so ayeke tongana anzapa.”