Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 79:1-13

LI TI ATËNË NI

  • Sambela na ngoi so amara aga na ndö ti azo ti Nzapa

    • “E ga mbeni ye ti zonga” (4)

    • ‘Mû maboko na e ndali ti iri ti mo’ (9)

    • “Kiri na ala peko ti ye so ala sara na e fani mbasambala” (12)

Bia ti Asaph.+ 79  Nzapa, amara aga na ndö ti sese ti mo;+ ala buba nengo ti temple ti mo so ayeke nzoni-kue;+ ala sara si Jérusalem aga mbeni ndo so a wara gï afango da na yâ ni.+   Ala mû kuâ ti awakua ti mo na andeke ti nduzu ti ga kobe ti ala, nga ala mû nyama ti terê ti awakua ti mo so ayeke be-ta-zo na anyama ti ngonda ti tene ala te ni.+   Ala tuku mênë ti awakua ti mo na sese tongana ngu na yâ ti Jérusalem angoro ni kue, na mbeni zo ti lu kuâ ti ala ayeke dä pëpe.+   E ga mbeni ye ti zonga na lê ti azo ti amara so ayeke nduru na e;+ azo ti amara so angoro e ahe e nga ala dekongo na ndö ti e.   Jéhovah, mo yeke ngbâ ti sara ngonzo ngangu na terê ti e juska lawa? teti lakue lakue?+ Ngonzo ti mo ayeke ngbâ ti gbi tongana wâ juska lawa?+   Tuku ngonzo ti mo na ndö ti amara so ahinga mo pëpe nga na ndö ti aroyaume so adi iri ti mo pëpe,+   ndali ti so ala futi ahale ti Jacob, nga ala sara si kodro ti Jacob abuba kue.+   Zia ngbanga ti afaute ti akotara ti e na li ti e pëpe.+ Sara nzoni bê na e hio si,+ ndali ti so a kiri na e na gbe ni mingi.   Nzapa ti salut ti e,+ mû maboko na e, ndali ti iri ti mo so ayeke ye ti gloire; zi e nga pardonné siokpari ti e ndali ti iri ti mo.+ 10  Ndani nyen ti tene amara atene: “Nzapa ti ala ni ayeke na ndo wa?”+ Zia si, na lê ti e, na popo ti amara azo ahinga so mo kiri peko ti sioni na azo so atuku mênë ti awakua ti mo.+ 11  Zia si mo mä dema ti zo ti kanga.+ Mû kota ngangu* ti mo ti bata* azo so a dë ngbanga ti kuâ na li ti ala.*+ 12  Amara so ayeke nduru na e, kiri na ala peko ti ye so ala sara na e so fani mbasambala,+ ndali ti atënë ti gingo yanga so ala tene na mo, Jéhovah.+ 13  Na pekoni, e azo ti mo so e yeke nga ataba ti mo so mo yeke bâ lege ti ala,+ e yeke mû singila na mo lakue lakue; nga e yeke sepela mo na yâ ti angoi nde nde so ayeke ga.+

Kete tënë

Na Hébreu: “maboko.”
A lingbi nga ti tene “zi.”
Na Hébreu: “amolenge ti kuâ.”