Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 78:1-72

LI TI ATËNË NI

  • Nzapa ayeke bi bê na azo; Israël asara ye na mabe ape

    • Sara tënë ni na azo so ayeke ga ande (2-8)

    • “Ala yeke na mabe na Nzapa ape” (22)

    • “Lê ti kobe ti yayu” (24)

    • “Ala zia vundu na bê ti Nzapa ti Israël so ayeke nzoni-kue” (41)

    • Ti londo na Égypte ti si na Sese ti zendo (43-55)

    • “Ala ngbâ gï ti tara Nzapa” (56)

Maskil.* Psaume ti Asaph.+ 78  Azo ti mbi, ala dengi mê ti ala ti mä ndia* ti mbi;ala dengi mê ti ala ti mä tënë ti yanga ti mbi.   Mbi yeke zi yanga ti mbi ti tene mbeni mato. Mbi yeke tene aparabole ti ândö giriri.+   Aye so e mä na e hinga,so ababâ ti e afa peko ni na e,+   e yeke honde ni na amolenge ti ala pëpe;e yeke fa na azo so a yeke dü ala laso+akusala ti Jéhovah so alingbi na gonda nga na tënë ti ngangu ti lo,+aye ti dongo bê so lo sara.+   Lo mû mbeni commandement na amolenge ti Jacob tongana ye ti dango bê,lo lu ndia na Israël;lo mû yanga na akotara ti eti fa aye so na amolenge ti ala,+   si azo so ayeke ga ande,amolenge so a yeke dü ande ala, alingbi ti hinga ni.+ Na pekoni, ala nga ayeke fa peko ni na amolenge ti ala.+   Tongaso, amolenge ni ayeke zia bê ti ala kue na ndö ti Nzapa. Ala yeke girisa akusala ti Nzapa pëpe,+me ala yeke bata acommandement ti lo.+   Tongaso, ala yeke sara ye tongana akotara ti ala pëpe,so ala yeke lani azo ti kpengba-li so aye ti mä ndo pëpe,+azo so bê ti ala ayeke use use*+nga so ala yeke be-ta-zo na Nzapa pëpe na yâ ti bê ti ala.   Azo ti mara ti Éphraïm ayeke na kokora ti tiri na bira,me na ngoi ti bira, ala kpe. 10  Ala bata mbele ti Nzapa pëpe,+nga ala ke ti sara ye alingbi na ndia ti lo.+ 11  Ala girisa nga aye so lo sara,+akusala ti lo so adö bê so lo fa ni na ala.+ 12  Lo sara akpengba ye na lê ti akotara ti ala+na kodro ti Égypte, na sese ti Zoan.+ 13  Lo kangbi yâ ti ngu-ingo si ala hon dä,lo sara si ngu ni aluti mbage na mbage tongana barrage.*+ 14  Na kota lâ, lo fa lege na ala na lege ti mbeni mbinda;na bï ni kue, lo fa lege na ala na lege ti lumière ti mbeni wâ.+ 15  Na yâ ti benyama, lo suru yâ ti akota tênë,lo mû lege na ala ti nyon ngu alingbi na ala, mo bâ mo tene ngu ni ayeke kota ngu.+ 16  Lo sara si ngu so asua asigi na yâ ti kota tênëna lo sara si ngu asua tongana akota ngu.+ 17  Me ala ngbâ ti sara siokpari na terê ti lona lege so, na yâ ti désert, ala sara kpengba-li na Lo so ayeke na nduzu na ndö ti aye kue;+ 18  ala tara Nzapa na yâ ti bê ti ala+na lege so ala hunda mbeni kobe so agbu bê ti ala ngangu.* 19  Tongaso ala diko tënë na terê ti Nzapa,ala tene: “Nzapa alingbi ti leke table na devant ti e na yâ ti benyama so?”+ 20  Ge, lo pika kota tênësi ngu asigi na asua gbani.+ Ala tene: “Lo peut nga ti mû na e mapa?Wala lo peut ti mû nyama na azo ti lo si ala te?”+ 21  Na ngoi so Jéhovah amä ala, ngonzo asara lo ngangu;++ aga na terê ti amolenge ti Jacob,nga ngonzo ti lo alondo ngangu na terê ti Israël.+ 22  So ala yeke na mabe na Nzapa pëpe;+ala zia bê ti ala pëpe na ndö ti ngangu ti lo ti sö ala. 23  Ni la lo mû yanga na lê ti nduzu so ane na mbinda,nga lo zi ayanga ti yayu. 24  Lo sara si manne angbâ ti tuku tongana ngu-nzapa si ala te;lo mû na ala lê ti kobe ti yayu.+ 25  Azo ate kobe ti awangangu;*+lo mû ni na ala alingbi na nzara ti ala.+ 26  Lo sara si pupu ti mbage ti est aya na lê ti nduzunga na lege ti ngangu ti lo, lo sara si pupu ti mbage ti sud aya.+ 27  Lo sara si anyama ti tengo ni atuku na ndö ti ala tongana poussière,andeke tongana mbutu na yanga ti ngu-ingo. 28  Lo sara si ala tï na yâ ti camp ti lo,a ngoro terê ti atente ti lo kue. 29  Ala te ni ngbii ahon ndö ti ala;lo mû na ala ye so ala sara nzara ni.+ 30  Me kozo si ala te ye ni alingbi na ti bê ti ala,na ngoi so kobe angbâ na yanga ti ala, 31  ngonzo ti Nzapa alondo ngangu na terê ti ala.+ Lo fâ akoli so ayeke na ngangu mingi na popo ti ala;+lo kinda amaseka-koli ti Israël. 32  Atâa so kue, ala kiri ala sara siokpari mingi+nga ala mä na bê pëpe na akusala ti lo so adö bê.+ 33  Tongaso, lo sara si lango ti ala ahunzi hio tongana pupu so zo awu,+lo sara si angu ti ala ahunzi na lege ti aye ti mbeto so awara ala gï hio tongaso. 34  Me lakue tongana Nzapa afâ ambeni, ala yeke gi lo,+ala yeke kiri na mbage ti lo na ala yeke gi lo. 35  Ala dabe ti ala so Nzapa ayeke Kota tênë ti ala,+nga so Nzapa so ayeke na nduzu na ndö ti aye kue ayeke Zo so azi ala.*+ 36  Me ala tara ti handa lo na tënë ti yanga ti ala,nga ala tene mvene na lo. 37  Ala mû bê ti ala kue na lo pëpe;+nga ala yeke be-ta-zo na mbele ti lo pëpe.+ 38  Me lo sara nzoni bê na ala;+lo pardonné afaute ti ala nga lo futi ala pëpe.+ Fani mingi, lo kanga ngonzo ti lo+ahon ti tene lo sigi na kota ngonzo ti lo kue, 39  ndali ti so lo dabe ti lo so ala yeke asenge zo,+ala yeke pupu so aya ahon na akiri pëpe.* 40  Fani mingi, ala sara kpengba-li na lo na yâ ti benyama;+na yâ ti désert, ala sara si bê ti lo ason.+ 41  Fani mingi, ala tara Nzapa,+ala zia vundu na bê* ti Nzapa ti Israël so ayeke nzoni-kue. 42  Ala dabe ti ala pëpe na ngangu* ti lo,Ala dabe ti ala pëpe na lango so lo zi ala na tïtî wato.+ 43  Ala dabe ti ala pëpe na afä so lo sara na Égypte,+amiracle ti lo na sese ti Zoan 44  nga tongana nyen lo sara si angu ti Nil so ahon na yâ ti acanal aga mênë,+si ala lingbi ti nyon angu ti ala pëpe. 45  Lo tokua gbâ ti akota ngungu ti tengo zo ti hunzi ala,+nga na adale ti futi ala.+ 46  Lo mû akobe ti yaka ti ala na agbadora so ayeke te aye ti lê ti yaka kue,lo mû lengo ti ngangu kua ti ala na gbâ ti agbadora.+ 47  Lo futi avigne ti ala na lege ti akota glason so atï+nga akeke ti sycomore ti ala na lege ti akota glason. 48  Lo zia anyama ti yongo kungba ti ala ti tene akota glason afâ ala,+nga lo zia anyama ti ala ti tene wâ ti bekpa* afâ ala. 49  Lo tuku na ndö ti ala ngonzo ti lo so alondo tongana wâ,kota ngonzo, songo bê nga na aye ti vundu;agroupe ti a-ange aga na aye ti ngangu na ndö ti ala. 50  Lo zi aye kue na lege, ti tene ngonzo ti lo aga. Lo zi ala* na lê ti kuâ pëpe;lo zia ala* ti tene asioni kobela afâ ala. 51  Ti hunzi na ni, lo fâ akozo molenge kue ti Égypte;+lo fâ na yâ ti atente ti Cham ala so ayeke tongo nda ti ngangu ti ala ti dungo molenge. 52  Na pekoni, lo sigi na azo ti lo tongana ti so a yeke sigi na ataba,+nga lo fa lege na ala tongana ti so a yeke fa lege na anyama na yâ ti benyama. 53  Lo fa lege na ala, na sioni awara ala pëpe,nga mbeto asara ala oko pëpe;+ngu-ingo amene awato ti ala.+ 54  Lo gue na ala na sese ti lo so ayeke nzoni-kue,+ndo so ahoto ayeke dä so lo wara ni na lege ti maboko ti lo ti koli.+ 55  Lo tomba amara na gbele ala,+lo mû kamba lo mû na mesure ti sese ni, lo kangbi ni na ala ti ga héritage ti ala;+lo zia amara ti Israël ti duti na yâ ti ada ti ala.+ 56  Me ala ngbâ gï ti tara Nzapa so ayeke na nduzu na ndö ti aye kue nga ti sara kpengba-li na lo;+ala dengi mê na awango ti lo pëpe.+ 57  Nga ala tourné peko na lo, na ala sara ye na handa tongana akotara ti ala.+ Ala yeke tongana kokora so kamba ni awoko, so zo alingbi ti zia bê na ndö ni pëpe.+ 58  Ala ngbâ ti son bê ti lo na lege ti ando ti ala so ala leke na nduzu,+nga na lege ti ayanda ti ala so a leke ni na kode, ala sara si lo sara ngonzo ngangu.*+ 59  Nzapa amä ni, na ngonzo agbu lo ngangu,+ni la lo ke Israël na bê ti lo oko. 60  Tongaso, lo ke tabernacle so ayeke na Shilo,+tente so lo duti dä na popo ti azo.+ 61  Lo zia si wato ti lo amû ye so afa ngangu ti lo ahon na ni;lo zia gloire ti lo na maboko ti wato.+ 62  Lo zia si a fâ azo ti lo na épée,+lo sara ngonzo ngangu na terê ti héritage ti lo. 63  Wâ agbi amaseka ti lo ti koli,na a he abia ti mariage pëpe na amaseka ti lo so ade ti hinga koli pëpe.* 64  A fâ aprêtre ti lo na épée,+na awali ti ala so aga awali-mua atoto pëpe.+ 65  Na pekoni, Jéhovah azingo tongana ti so zo azingo na lango,+tongana ngangu zo+ so azingo na lango na peko ti so lo nyon gbâ ti vin. 66  Lo tomba awato ti lo si ala kiri na peko,+lo sara si ala ga ye ti kamene lakue. 67  Lo ke tente ti Joseph;lo ke ti soro mara ti Éphraïm. 68  Me lo soro mara ti Juda,+Hoto ti Sion, so lo ye ni mingi.+ 69  Lo sara si ndo ti lo so ayeke nzoni-kue angbâ aninga tongana yayu,*+nga tongana sese so lo leke ni ti tene angbâ lakue lakue.+ 70  Lo soro wakua ti lo David,+lo mû lo na yâ ti gbagba ti ataba,+ 71  na terê ti amama ti taba so amolenge ti ala angbâ ti nyon me so lo yeke bâ lege ti ala,na lo sara si lo ga berger na ndö ti Jacob, na ndö ti azo ti lo,+na ndö ti Israël, héritage ti lo.+ 72  Lo bâ lege ti ala na bê ti lo kue,+lo fa lege na ala nzoni, tongana ti zo so ahinga kua ti lo.+

Kete tënë

Wala “fango ye.”
Na Hébreu: “so aleke bê ti ala pëpe.”
Wala “mur.”
Wala “ala hunda kobe ndali ti âme ti ala.”
Wala “ti a-ange.”
Wala “Zo so ayeke na droit ti kiri na zo peko ti sioni so zo ni asara.”
A lingbi nga ti tene “so yingo asigi ahon na akiri pëpe.”
Wala “ala son bê.”
Na Hébreu: “maboko.”
A lingbi nga ti tene “ngangu fièvre.”
Wala “âme ti ala.”
Na Hébreu: “fini ti ala.”
Wala “lo sara mbanda.”
Na Hébreu: “a sepela pëpe amaseka ti lo so ade ti hinga koli pëpe.”
Na Hébreu: “Lo leke ndo ti lo so ayeke nzoni-kue tongana ando so ayo na nduzu mingi.”