Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 77:1-20

LI TI ATËNË NI

  • Sambela na ngoi ti ye ti vundu

    • Gbungo li na ndö ti akusala ti Nzapa (11, 12)

    • ‘Nzapa, zo wa la ayeke kota tongana mo?’ (13)

Na mokonzi ti azo ti pikango mozoko; na ndö ti Jéduthun.* Psaume ti Asaph.+ Bia. 77  Mbi yeke dekongo ngangu na Nzapa, mbi yeke dekongo na Nzapa, na lo yeke mä mbi.+   Na ngoi so mbi yeke na yâ ti ye ti vundu, mbi gi Jéhovah.+ Lakue na bï, mbi yôro maboko ti mbi na lo.* Zo alingbi ti dë bê ti mbi* pëpe.   Na ngoi so mbi dabe ti mbi na Nzapa, mbi dema;+ Mbi gi bê ti mbi mingi nga ngangu ti mbi ahunzi.*+ (Sélah)   Mo gbu poro ti lê ti mbi si akanga pëpe; mbi yeke kpô pëpe nga mbi lingbi ti sara tënë pëpe.   Pensé ti mbi akiri na ndö ti ngoi ti giriri,+ na ndö ti angu so ahon aninga awe.   Na bï, mbi dabe ti mbi na bia ti mbi;*+ mbi gbu li ti mbi;+ mbi gi* nda ti ye nzoni.   Jéhovah ayeke ngbâ ande ti ke e biani biani?+ Lo yeke kiri ti sara nzoni bê na e encore ape?+   Tâ ndoye ti lo na mbage ti e akaï biani awe? Peko ti zendo ti lo ayeke ngbâ ande senge senge na yâ ti angoi kue so ayeke ga?   Ye ni Nzapa agirisa girisango ti sara nzoni bê na e?+ Wala ngonzo ti lo asara si lo zia lege ti sarango nzoni bê na e? (Sélah) 10  Eskê mbi doit lakue gï ti tene: “Ye so amû na mbi vundu mingi*+ ayeke so: Lo so ayeke na nduzu na ndö ti aye kue achangé bango ndo ti lo* na mbage ti e awe”? 11  Mbi yeke dabe ti mbi na akusala ti Jah; mbi yeke dabe ti mbi na aye ti dongo bê so mo sara aninga mingi awe. 12  Mbi yeke gbu li na ndö ti ye kue so mo sara, na mbi yeke gbu li na ndö ti asarango ye ti mo.+ 13  Nzapa, alege ti mo ayeke nzoni-kue. Nzapa, mbeni nzapa wa la ayeke kota tongana mo?+ 14  Mo yeke tâ Nzapa so asara aye so apika bê mingi.+ Mo fa ngangu ti mo na azo ti amara.+ 15  Mo sö* azo ti mo na lege ti ngangu* ti mo,+ mo sö amolenge ti Jacob na ti Joseph. (Sélah) 16  Nzapa, angu abâ mo, angu abâ mo, na ala duti kpô pëpe.+ Angu so alï mingi ayengi nga. 17  Ambinda atuku gbâ ti ngu na ndö ti sese. Bekpa atoto na lê ti nduzu so ane na mbinda, nga alê ti kokora ti mo ahon kâ ahon ge.+ 18  Toto ti bekpa+ ti mo ayeke tongana ti agere ti puse ti ambarata; wâ ti bekpa aza na ndö ti sese kue so azo ayeke dä;*+ sese adö na ayengi.+ 19  Lege ti mo ahon na yâ ti ngu-ingo,+ lege ti mo ahon na yâ ti gbâ ti angu; me zo alingbi ti hinga place ti gere ti mo pëpe. 20  Mo fa lege na azo ti mo tongana ti so a yeke fa lege na anyama,+ mo fa lege na ala na lege* ti Moïse na Aaron.+

Kete tënë

Na Hébreu: “maboko ti mbi ayeke kui kuingo.”
Wala “âme ti mbi.”
Na Hébreu: “yingo ti mbi a-évanouir.”
Wala “mozoko so a pika ni na ye ti mozoko so ayeke na kamba.”
Na Hébreu: “yingo ti mbi agi.”
Wala “Ye so akpo mbi.”
Na Hébreu: “maboko ti lo ti koli.”
Na Hébreu: “zi.”
Na Hébreu: “maboko.”
Wala “sese so kobe alingbi ti sigi dä.”
Na Hébreu: “na lege ti maboko.”