Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 76:1-12

LI TI ATËNË NI

  • Nzapa akinda awato ti Sion

    • Nzapa asö zo so asara terê ti lo kete (9)

    • Awato so asara wuma ayeke kiri na gbe ni  (12)

Na mokonzi ti azo ti pikango mozoko; ti pika ni na aye ti mozoko so ayeke na kamba. Bia ti Asaph.+ Bia. 76  A hinga Nzapa na sese ti Juda;+na Israël, iri ti lo ayeke kota.+   Kpangba ti lo ayeke na Salem,+nga ndo ti duti ti lo ayeke na Sion.+   Kâ, lo fâ yâ ti alê ti kokora so wâ ayeke na yanga ni;lo fâ yâ ti vala, épée nga na aye ti bira.+ (Sélah)   Mo za tongana lumière;*kota ti mo ahon ahoto ti anyama so ayeke gi nyama ti tengo ni.   A gbu na ngangu aye ti azo so mbeto asara ala pëpe.+ Ala tï na lango;azo kue ti sarango bira ayeke na ngangu ti sara ye oko pëpe.+   Nzapa ti Jacob, sukungo so mo sukuasara si zo ti kpengo na puse ti mbarata nga na mbarata ni kue atï na lango.+   Gï mo oko la mo mû mbeto na zo mingi.+ Zo wa la apeut ti luti na gbele kota ngonzo ti mo zo wa?+   Mo ngbâ na yayu kâ mo fâ ngbanga;+mbeto asara sese na lo duti kpô+   na ngoi so Nzapa alondo ti sara ye alingbi na ngbanga so lo dë,ti sö azo kue ti sese so asara terê ti ala kete.+ (Sélah) 10  Kota ngonzo ti zo ayeke sara si a sepela mo;+mo yeke mû tanga ti kota ngonzo ti azo ti sara na pendere ti mo wani. 11  Ala mû azendo na Jéhovah Nzapa ti ala na ala sara ye alingbi na ni,+zia ala kue so angoro lo aga na matabisi ti ala na mbeto.+ 12  Lo yeke sara si wuma ti amokonzi akiri na gbe ni;lo sara si agbia ti sese amä mbeto ti lo.

Kete tënë

Wala “Lumière angoro mo kue.”