Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 75:1-10

LI TI ATËNË NI

  • Nzapa afâ ngbanga na lege ni

    • Azo ti sioni ayeke nyon kopo ti Jéhovah (8)

Na mokonzi ti azo ti pikango mozoko. Ti pika ni alingbi na bia “Futi mbi pëpe.” Psaume ti Asaph.+ Bia. 75  Nzapa, e kiri singila na mo; e kiri singila na mo; iri ti mo ayeke nduru na e,+ nga azo ayeke fa tënë ti akusala ti mo so apika bê.   Mo tene: “Tongana mbi fa mbeni ngoi awe, mbi yeke fâ ngbanga na lege ni.   Na ngoi so lani sese nga na azo kue so ayeke na ndö ni awoko na aga tongana ngu, mbi la mbi sara si apilier ni ayengi pëpe.” (Sélah)   Mbi tene na azo so apika kate ti ala: “Ala pika kate ti ala pëpe.” Nga mbi tene na azo ti sioni: “Ala gonda terê ti ala ndali ti ngangu* ti ala pëpe.   Ala mû ngangu* ti ala, ala zia ni na devant pëpe, nga ala sara tënë na fandara pëpe,   ndali ti so ye so asara si zo aga kota alondo pëpe na mbage ti est wala ti ouest wala ti sud.   Nzapa la ayeke Juge.+ Lo kiri na mbeni zo na gbe ni nga lo yâa mbeni na nduzu.+   Mbeni kopo ayeke na maboko ti Jéhovah,+ vin ni asara mousse nga a mélangé ni nzoni. Lo yeke tuku ande ni si azo ti sioni kue ti sese anyon ni, juska na saka ni.”+   Me ti mbi, mbi yeke sara tënë ni lakue lakue; mbi yeke he bia ti sepela* Nzapa ti Jacob, 10  ndali ti so lo tene: “Mbi yeke zi ngangu* kue ti azo ti sioni, me a yeke yâa na nduzu ngangu* ti azo ti mbilimbili.”

Kete tënë

Na Hébreu: “didi.”
Na Hébreu: “didi.”
Wala “pika mozoko na.”
Na Hébreu: “adidi.”
Na Hébreu: “adidi.”