Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 72:1-20

LI TI ATËNË NI

  • Komandema ti siriri ti gbia so Nzapa asoro lo

    • “Azo ti mbilimbili ayeke maï” (7)

    • Azo ti gbe ti lo ayeke duti gbani gbani (8)

    • A yeke zi azo na yâ ti ye ti ngangu (14)

    • Alê ti kobe ayeke duti mingi na ndö ti sese (16)

    • A yeke gonda iri ti Nzapa lakue lakue (19)

Tënë so a sû na ndö ti Salomon. 72  Nzapa, fa na gbia adesizion ti ngbanga so mo fâ, nga sara si molenge ti gbia aduti mbilimbili tongana mo.+   Zia si lo gbu koko ti azo ti mo na lege ni, nga azo ti mo so ayeke azo ti mawa, zia si lo fâ ngbanga ti ala mbilimbili.+   Zia si ahoto aga na siriri na azo ni, nga akete hoto aga na sarango ye ti mbilimbili.   Zia si lo gbu koko ti azo ti mawa so ayeke na popo ti azo ni, zia si lo sö amolenge ti awayere nga lo neka zo so amû ye ti azo na lege ti likisi.+   Ala yeke kpe mbeto ti mo na ngoi kue so lâ ayeke dä nga na ngoi kue so nze angbâ, na yâ ti angoi nde nde kue so ayeke ga.+   Lo yeke duti tongana ngu-nzapa so apika na ndö ti pere so a fâ ni, tongana ngu-nzapa so apika gbani na ndö ti sese.+   Na ngoi ti lo, azo ti mbilimbili ayeke maï+ nga siriri ayeke duti dä mingi+ juska nze ayeke dä encore ape.   Ti londo na mbeni ngu-ingo juska na mbeni ngu-ingo, a yeke wara azo ti gbe ti lo,* nga ti londo na Ngu ti Euphrate juska na nda ti sese.+   Azo so asara kodro na yâ ti désert ayeke kuku na gbe ti lo, nga awato ti lo ayeke su fuku ti sese.+ 10  Agbia ti Tarsis na ti azoa ayeke futa impôt so ala doit ti futa.+ Agbia ti Shéba na ti Séba ayeke ga na amatabisi.+ 11  Agbia kue ayeke kuku na gbe ti lo, na amara kue ayeke sara kua na lo. 12  Lo yeke zi awayere so atoto ti tene a mû maboko na ala, nga na zo ti mawa na zo kue so zo ti mungo maboko na lo ayeke dä pëpe. 13  Lo yeke bâ mawa ti azo ti mawa nga na ti awayere; lo yeke sö fini* ti awayere. 14  Lo yeke zi ala* na yâ ti pasi nga na yâ ti ye ti ngangu so a yeke sara na ala, nga mênë ti ala ayeke duti ande kota ye mingi na lê ti lo. 15  Zia si lo ngbâ na fini nga a mû na lo lor ti Shéba.+ Zia si a sambela ndali ti lo lakue nga a iri tufa na ndö ti lo na yâ ti lango ni kue. 16  Alê ti kobe ayeke dü mingi na ndö ti sese;+ a yeke sigi gbani gbani na li ti ahoto. Alê ti kobe ti lo ayeke maï tongana ti so aye ayeke maï na Liban,+ nga, na yâ ti agbata, azo ayeke wu mingi tongana apere.+ 17  Zia si iri ti lo angbâ lakue lakue;+ zia si iri ti lo ague na nduzu na ngoi kue so lâ ayeke dä. Zia si azo awara tënë nzoni ndali ti ala wani na lege ti lo;+ zia si amara kue atene so lo yeke na ngia. 18  Zia si a sepela Jéhovah Nzapa, Nzapa ti Israël,+ so gï lo oko la ayeke sara aye so apika bê.+ 19  Zia si a gonda iri ti lo, so ayeke ye ti gloire, lakue lakue;+ zia si gloire ti lo amû ndö ti sese kue.+ Amen, Amen. 20  Asambela ti David, molenge ti Jessé,+ ahunzi ge.

Kete tënë

Wala “lo yeke komande.”
Wala “âme.”
Wala “zi âme ti ala.”