Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 7:1-17

LI TI ATËNË NI

  • Jéhovah ayeke Juge so afâ ngbanga mbilimbili

    • “Jéhovah, fâ ngbanga ti mbi” (8)

Bia ti vundu* so David ahe na Jéhovah ndali ti atënë ti Cush, zo ti mara ti Benjamin. 7  Jéhovah, Nzapa ti mbi, mbi kpe na mbage ti mo ti bata terê ti mbi.+ Sö mbi na maboko ti azo kue so ayeke sara ye ti ngangu na mbi nga zi mbi;+   tongaso pëpe, ala yeke suru yâ ti mbi* kete kete tongana ti so bamara asuru yâ ti nyama,+ nga ala yeke hon na mbi, na zo ti zi mbi ayeke dä pëpe.   Jéhovah, Nzapa ti mbi, tongana mbi la mbi yeke na faute na yâ ti tënë so, tongana mbi sara ye mbilimbili pëpe,   tongana mbi sara ye na lege ni pëpe na zo so asara nzoni na mbi,+ wala mbi nzi ye ti wato ti mbi senge senge,*   zia wato ti mbi atomba peko ti mbi na lo gbu mbi,* lo dö yâ ti mbi na sese juska mbi kui na lo sara si gloire ti mbi abuba na yâ ti fuku ti sese. (Sélah)   Jéhovah, mo londo na ngonzo ti mo; londo na terê ti awato ti mbi so asara ngonzo ngangu;+ zingo mo mû maboko na mbi, na mo mû yanga si a fâ ngbanga mbilimbili.+   Zia si amara angoro mo; na mo yeke ngbâ na nduzu kâ, mo sara mbeni ye na ala.   Jéhovah ayeke dë ngbanga na li ti azo ti amara nde nde.+ Jéhovah, fâ ngbanga ti mbi alingbi na mbilimbili ti mbi nga alingbi na ye ti mbilimbili+ so mbi ngbâ lakue ti sara.   Pardon, sara si sioni so azo ti sioni asara ahunzi. Me sara si azo ti mbilimbili aduti nzoni,+ ndali ti so mo yeke Nzapa ti mbilimbili+ so abâ bê ti zo+ nga na atënë so ayeke kâ na gbe ti bê ti lo.*+ 10  Nzapa ayeke vala ti mbi,+ Sauveur ti azo so bê ti ala ayeke mbilimbili.+ 11  Nzapa ayeke Juge ti mbilimbili;+ lâ oko oko, lo fa na gigi angbanga so lo fâ.* 12  Tongana mbeni zo achangé bê ti lo pëpe,+ Nzapa ayeke leke yanga ti épée ti lo,+ lo gboto yâ ti kokora ti lo na lo leke ti pika ni.+ 13  Lo leke aye ti bira ti lo so ayeke fâ zo; lo leke alê ti kokora ti lo+ so wâ ayeke na yanga ni. 14  Bâ zo so amû ngo ti ye ti sioni; lo mû ngo ti ye ti gango na kpale na lo dü mvene.+ 15  Lo zi dû, na lo sara si a kiri a lï, me lo tï na yâ ti dû so lo wani lo zi.+ 16  Kpale so lo bi ayeke kiri gï na ndö ti li ti lo+ wani, ye ti ngangu so lo sara na azo ayeke tï na ndö ti li ti lo wani. 17  Mbi yeke sepela Jéhovah ndali ti so lo fâ ngbanga mbilimbili,+ mbi yeke he bia* ti sepela iri ti Jéhovah,+ Lo so ayeke na nduzu na ndö ti aye kue.+

Kete tënë

Wala “Bia ti totongo kuâ.”
Wala “âme ti mbi.”
A lingbi nga ti tene “gï senge senge tongaso mbi zia wato ti mbi akpe ahon.”
Wala “âme ti mbi.”
Wala “atara bê nga na rein ti zo.”
Wala “lo tuku ngonzo ti lo.”
Wala “pika mozoko.”