Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 69:1-36

LI TI ATËNË NI

  • Sambela ti tene Nzapa asö zo

    • “Nzara ti da ti mo ayeke gbi mbi gbingo tongana wâ” (9)

    • “Kiri tënë na mbi hio” (17)

    • ‘Ala mû na mbi vinaigre ti kaï nzara ti ngu’ (21)

Na mokonzi ti azo ti pikango mozoko; ti pika ni alingbi na bia “Afleur ti lis.” Psaume ti David. 69  Nzapa, sö mbi ndali ti so mbi ga nduru ti kui kuâ ti ngu.*+   Mbi linda na yâ ti popoto so alï mingi, mbi wara kpengbango sese ti luti dä pëpe.+ Mbi yeke na yâ ti ngu so alï mingi, na ngu so asua ngangu ahon na mbi.+   Mbi iri ndo ngbii mbi woko awe;+ Go ti mbi kue akanga. Lê ti mbi afatigué na ngoi so mbi yeke ku Nzapa ti mbi.+   Wungo ti azo so ake mbi gï senge senge+ ayeke mingi ahon kuä ti li ti mbi. Azo so aye ti fâ mbi, awato ti kango mbi,* aga mingi. A forcé mbi ti kiri na ye so mbi nzi ni nzingo pëpe.   Nzapa, mo hinga aye ti buba so mbi sara, nga tënë so ayeke na li ti mbi ahonde na lê ti mo pëpe.   Seigneur ti dunia kue, Jéhovah ti aturugu, azo so azia bê ti ala ti ku mo, zia pëpe si kamene agbu ala ndali ti mbi. Nzapa ti Israël, azo so ayeke gi mo, zia pëpe si kamene agbu ala ndali ti mbi.   A zonga mbi ndali ti mo,+ na kota kamene agbu lê ti mbi.+   Mbi ga wande na lê ti aita ti mbi, mbi ga wande na lê ti amolenge ti mama ti mbi.+   Nzara ti da ti mo ayeke gbi mbi gbingo tongana wâ,+ nga zonga ti azo so ayeke zonga mo aga na ndö ti mbi.+ 10  Tongana mbi sara terê ti mbi* kete na mungo jeûne,* a zonga mbi ndali ni. 11  Tongana mbi yü bongo ti vundu, mbi ga ye ti ngia* ti ala. 12  Azo kue so aduti na yanga ti gbagba ti gbata ni ayeke sara gï tënë ti mbi, nga azo so asoulé ayeke he abia na iri ti mbi. 13  Jéhovah, na ngoi so alingbi, zia si mo mä sambela ti mbi.+ Nzapa, ndali ti tâ ndoye ti mo so ayeke mingi, kiri tënë na mbi na lege ti aye so mo sara ti sö zo biani.+ 14  Zi mbi na yâ ti popoto; zia si popoto ni amene mbi pëpe. Zi mbi na maboko ti azo so ake mbi nga zi mbi na yâ ti ngu so alï mingi.+ 15  Zia pëpe si ngu so asuku amû ndo ahon na mbi,+ nga zia pëpe si ngu so alï mingi amene mbi wala zia pëpe si dû ti ngu* akanga yanga ti lo na ndö ti mbi.+ 16  Jéhovah, kiri tënë na mbi ndali ti so tâ ndoye ti mo ayeke nzoni.+ So nzoni bê ti mo ayeke mingi, bi lê ti mo na mbage ti mbi,+ 17  na honde lê ti mo na mbi wakua ti mo pëpe.+ Kiri tënë na mbi hio, ndali ti so vundu asara mbi mingi.+ 18  Ga nduru na mbi, na sö mbi;* zi mbi ndali ti awato ti mbi. 19  Mo hinga so a zonga mbi, a bi nengo ti mbi na sese nga a zia kamene na lê ti mbi.+ Mo bâ awato ti mbi kue. 20  Zonga ni asara si bê ti mbi ayeke na vundu mingi, na kä ni ayeke mü pëpe.* Mbi ku fade ti tene a bâ mawa ti mbi, me zo ti sara ni ayeke dä pëpe;+ mbi ku fade ti tene azo adë bê ti mbi, me azo ti sara ni ayeke dä pëpe.+ 21  Ye so ala mû na mbi ti te tongana kobe ayeke poison;*+ ye so ala mû na mbi ti kaï nzara ti ngu ayeke vinaigre.+ 22  Zia table ti ala aga kûkû ndali ti ala, nga aye ti ala so amaï aga gbanda ndali ti ala.+ 23  Zia lê ti ala avuko si ala lingbi ti bâ ndo pëpe; nga zia si peko* ti ala adö lakue. 24  Tuku ngonzo* ti mo na ndö ti ala, zia si ngonzo ti mo so agbi ye tongana wâ awara ala.+ 25  Zia si ndo so ala sara camp dä* angbâ senge; zia mbeni zo alango na yâ ti atente ti ala pëpe,+ 26  ndali ti so ala tomba peko ti zo so mo pika lo, nga ala ngbâ ti fa peko ti pasi ti azo so mo zia kä na terê ti ala. 27  Zia ambeni tënë na ndö ti atënë so ayeke na li ti ala; zia si mo bâ ala pëpe tongana azo ti mbilimbili. 28  Zia si a zi iri ti ala na yâ ti mbeti ti iri ti azo so ayeke na fini,*+ nga zia si a sû iri ti ala pëpe na popo ti azo ti mbilimbili.+ 29  Me mbi bâ pasi mingi nga ye ason mbi mingi.+ Nzapa, zia si ngangu ti mo ti sö zo abata mbi. 30  Mbi yeke he bia ti sepela iri ti Nzapa, nga mbi yeke gonda lo na atënë ti singila. 31  Ye so ayeke nzere na Jéhovah ahon koli-bagara, ahon kete koli-bagara so ayeke na didi nga so li ti gere ti lo akangbi use.+ 32  Azo so asara terê ti ala kete ayeke bâ ni na ala duti na ngia. Ala so ayeke gi Nzapa, zia si bê ti ala akiri awara ngangu. 33  Jéhovah ayeke mä awayere,+ nga lo yeke ke pëpe azo ti lo so a gbu ala na ngbâa.+ 34  Zia si yayu na sese asepela lo,+ nga angu-ingo na aye kue so ayeke tambela dä asepela lo. 35  Nzapa ayeke sö Sion+ nga lo yeke kiri ti leke agbata ti Juda; azo ayeke sara kodro dä nga a yeke* ga ti ala. 36  A yeke ga héritage ti ahale ti awakua ti lo,+ na azo so aye iri ti lo+ ayeke sara kodro dä.

Kete tënë

Wala “ngu asi juska na âme ti mbi.”
Wala “azo so aga awato ti mbi gï senge senge.”
Na Hébreu: “âme ti mbi.”
A lingbi nga ti tene “Tongana mbi toto nga mbi mû jeûne.”
Na Hébreu: “mbeni mato.”
Wala “dû.”
Wala “Ga nduru na âme ti mbi, na mû ni mo kiri na ni.”
Wala “a ngbâ kete, bê ti mbi anze biani biani.”
Wala “kugbe ti fango zo.”
Wala “hanche.”
Wala “kota ngonzo.”
Wala “acamp so gbagba ayeke na terê ni.”
Wala “buku ti fini.”
So ti tene sese ni ayeke.