Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 66:1-20

LI TI ATËNË NI

  • Akusala ti Nzapa so apika bê mingi

    • ‘Ga bâ akusala ti Nzapa’ (5)

    • “Mbi yeke sara ye alingbi na azendo so mbi mû na mo” (13)

    • Nzapa amä sambela (18-20)

Na mokonzi ti azo ti pikango mozoko. Bia. 66  Azo ti sese kue, ala dekongo ti songo benda na Nzapa.+   Ala he bia ti sepela* iri ti lo so ayeke ye ti gloire.+ Ala sara si gonda so a mû na lo aduti kota mingi.   Ala tene na Nzapa: “Akusala ti mo apika bê ti zo mingi!+ So mo yeke na ngangu mingi, awato ti mo ayeke dö na mbeto na gbele mo.+   Azo ti sese kue ayeke kuku na gbe ti mo,+ ala yeke he bia ti sepela mo; ala yeke he bia ti sepela iri ti mo.”+ (Sélah)   Ala ga abâ akusala ti Nzapa. Asarango ye ti lo na mbage ti amolenge ti azo apika bê mingi.+   Lo sara si ngu-ingo aga kuru sese;+ ala fâ ngu ni na gere.+ E duti na ngia kâ ndali ti lo.+   Na lege ti ngangu ti lo, lo komande lakue lakue.+ Lê ti lo angbâ ti bâ ndo na ndö ti amara.+ A yeke nzoni azo ti kpengba-li agonda terê ti ala wani pëpe.+ (Sélah)   Ala azo ti amara, ala sepela Nzapa ti e,+ zia si a mä toto ti go ti ala na sepelango lo.   Lo bata e* na fini;+ lo zia pëpe si e pika gere ti e.*+ 10  Nzapa, mo bâ bê ti e nzoni;+ legeoko tongana argent so a zi saleté ni awe, mo zi sioni ye na terê ti e. 11  Mo sara si e tï na yâ ti gbanda; mo zia nengo kungba na ndö ti e* so apete e ngangu. 12  Mo sara si senge zo ahon na ndö ti e;* e hon na yâ ti wâ nga na yâ ti ngu; na pekoni mo gue na e na mbeni ndo si e wu bê ti e. 13  Mbi yeke mû asandaga so a yeke zö ni agbi kue+ ti gue na ni na da ti mo; mbi yeke sara ye alingbi na azendo so mbi mû na mo,+ 14  azendo so asigi na yanga ti mbi,+ so yanga ti mbi atene ni na ngoi so mbi yeke na yâ ti vundu. 15  Mbi yeke mû na mo anyama ti mafuta na sandaga so a zö ni agbi kue, legeoko na guru ti akoli-taba so a mû na sandaga. Mbi yeke mû na sandaga akoli-bagara nga na akoli-ngasa. (Sélah) 16  Ala azo so akpe mbeto ti Nzapa, ala ga amä; mbi yeke fa na ala ye so lo sara ndali ti mbi.*+ 17  Mbi iri lo na yanga ti mbi, nga mbi gonda lo na langue ti mbi. 18  Tongana fade mbi bata mbeni ye ti sioni na yâ ti bê ti mbi, ka Jéhovah ayeke mä mbi pëpe.+ 19  Me Nzapa amä mbi;+ lo dengi mê na sambela ti mbi.+ 20  Zia a sepela Nzapa, lo so ake sambela ti mbi pëpe nga so agbanzi mbi na tâ ndoye ti lo pëpe.

Kete tënë

Wala “pika mozoko na.”
Wala “âme ti e.”
Wala “e tambela tongana zo so asoulé.”
Na Hébreu: “na ndö ti ngbonda ti e.”
Na Hébreu: “li ti e.”
Wala “âme ti mbi.”