Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 65:1-13

LI TI ATËNË NI

  • Nzapa abâ lege ti sese nzoni

    • “Mo so mo yeke mä sambela” (2)

    • “Ngia ayeke na zo so mo soro lo” (4)

    • Nzoni bê ti Nzapa ayeke mingi (11)

Na mokonzi ti azo ti pikango mozoko. Bia ti David. Bia. 65  Nzapa, sepela ayeke ku mo na Sion;+e yeke sara ye alingbi na azendo so e mû na mo.+   Mo so mo yeke mä sambela, mara ti azo nde nde kue* ayeke ga ande na mbage ti mo.+   Afaute ti mbi ahon ndö ti mbi awe,+me mo pardonné akengo ndia ti e.+   Ngia ayeke na zo so mo soro lo nga mo sara si lo galo duti na lê ti alacour ti mo.+ Anzoni ye so e yeke wara na da ti mo,+na temple ti mo so ayeke nzoni-kue,*+ alingbi na e.   Nzapa ti salut ti e,mo yeke kiri tënë na e na lege ti akusala ti mbilimbili so apika bê ti zo;+mo la azo so ayeke juska na nda ti sese kue+ azia bê ti ala na ndö ti monga azo so ayeke kâ na mbage ti ngu-ingo azia bê ti ala na ndö ti mo.   Na lege ti ngangu ti mo,* mo sara si gere ti ahoto agbu sese ngangu;mo* yü ngangu tongana bongo.+   Mo sara si angu-ingo so ayengi ngangu akaï kpô,+mo sara si toto ti amapo ni nga na wusuwusu ti amara akaï.+   Bê ti azo so asara kodro na ayongoro ndo ayeke pika ngangu ti bâ afä so mo sara;+Mo yeke sara si azo so asara kodro ti londo na ndo so lâ asigi dä ti si na ndo so lâ alinda dä adekongo na ngia.   Mo bâ lege ti sese nzoni,mo sara si aye alë dä gbani nga sese ni ayeke na anzoni ye mingi.+ Ngu so mo Nzapa mo sara si ayeke sua asi singo na ngu,mo mû lê ti kobe na azo;+a yeke tongaso si mo leke aye na ndö ti sese. 10  Mo sara si ngu atï gbani na yâ ti adû so a suru ni na charrue nga mo pika yâ ti angbongboro sese ni si alingbi terê na atanga ni;mo sara si ngu apika, awoko sese ni; mo sara tufa dä si ye amaï dä nzoni.+ 11  Na lege ti nzoni bê ti mo, gbâ ti anzoni ye ayeke dä na ngu ni so;aplace ti gere ti mo asi singo na gbâ ti anzoni ye.*+ 12  Ando ti tengo pere so ayeke na yâ ti benyama asi singo lakue na fini pere,+nga ngia amû ndo na ndö ti akete hoto.+ 13  Gbâ ti anyama ayeke na ando ti tengo pere ni,nga lê ti kobe+ amû ndo na yâ ti apopo-hoto.* Ando so kue ayeke dekongo ti songo benda, même ala yeke he bia.+

Kete tënë

Na Hébreu: “mitele kue.”
Wala “ndo ti mo.”
Na Hébreu: “lo.”
Na Hébreu: “lo.”
Na Hébreu: “mafuta ayuru na aplace ti gere ti mo.”
Wala “akpangbala ndo.”