Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 64:1-10

LI TI ATËNË NI

  • A hunda ti tene Nzapa abata zo si a sara sioni na lo na hondengo ni ape

    • “Nzapa ayeke pika ala na alê ti kokora” (7)

Na mokonzi ti azo ti pikango mozoko. Bia ti David. 64  Nzapa, mä go ti mbi na ngoi so mbi voro yanga na mo.+ Bata fini ti mbi si kota mbeto ti wato asara mbi pëpe.   Bata mbi si asioni ye so azo ti sioni amä terê na hondengo ni ti sara na mbi so awara mbi pëpe,+ bata mbi si gbâ ti asioni zo so abungbi asara sioni na mbi pëpe.   Ala sara si yanga ti ala aza tongana épée; ala leke asioni tënë ti ala ti tokua ni tongana alê ti kokora.   Ala honde terê ti ala ti pika alê ti kokora ni na terê ti zo so tënë ayeke na li ti lo pëpe; hio tongaso, ala tokua ni na terê ti lo sân mbeto.   Ala ngbâ gï na ye ti sioni so ala ye ti sara;* ala pika patara ti bâ tongana nyen ti honde akûkû ti ala. Ala tene: “Zo wa la ayeke bâ ni?”+   Ala gi afini kode ti sarango sioni; na hondengo ni, ala mä terê ti sara ye ti sioni.+ Apensé so ayeke na bê ti ala, zo agi li ti lo na ni gbä.   Me Nzapa ayeke pika ala na alê ti kokora;+ hio tongaso, mbeni lê ti kokora ayeke zia kä na terê ti ala.   Yanga ti ala wani ayeke sara si ala tï;+ azo so kue so abâ ni ayeke yengi li ti ala.   Na pekoni, mbeto ayeke sara azo kue; ala yeke fa tënë ti ye so Nzapa asara, na ala yeke hinga nda ti akusala ti lo.+ 10  Zo ti mbilimbili ayeke duti na ngia ndali ti Jéhovah, nga lo yeke kpe na mbage ti lo ti bata terê ti lo;+ azo kue so bê ti ala ayeke mbilimbili ayeke dekongo na ngia.*

Kete tënë

Wala “Ala kpengba mba ti sara ye ti sioni.”
Wala “pika kate ti ala.”