Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 63:1-11

LI TI ATËNË NI

  • Nzara ti Nzapa

    • “Tâ ndoye ti mo ayeke nzoni ahon fini” (3)

    • “Yâ ti mbi asi na anzoni ye” (5)

    • Lo gbu li na ndö ti Nzapa na bï (6)

    • ‘Mbi hule na terê ti Nzapa’ (8)

Bia ti David, na ngoi so lo yeke na yâ ti benyama ti Juda.+ 63  Nzapa, mbi ngbâ ti gi mo.+ Nzara ti mo asara mbi* tongana nzara ti ngu. Mbi fatigué na nzara ti mo,+ na ngoi so mbi yeke na yâ ti mbeni kuru sese so ahule kue si ngu ayeke dä pëpe.+   Ni la mbi bâ mo na yâ ti ndo so ayeke nzoni-kue; mbi bâ ngangu ti mo nga na gloire ti mo.+   So tâ ndoye ti mo ayeke nzoni ahon fini,+ mbi yeke gonda mo na yanga ti mbi.+   Tongaso mbi yeke sepela mo na yâ ti gigi ti mbi kue; na iri ti mo, mbi yeke yâa maboko ti mbi na nduzu.   Yâ ti mbi asi na anzoni ye so mo mû na mbi,* so mara ni ayeke use pëpe; tongaso mbi yeke sepela mo na ngia na yanga ti mbi.+   Mbi dabe ti mbi na mo na ngoi so mbi yeke na ndö ti gbogbo ti mbi, mbi gbu li ti mbi na ndö ti mo na al’heure ti bï ni kue,+   ndali ti so mo yeke zo ti mungo maboko na mbi;+ nga mbi dekongo na ngia na gbe ti akpangbi ti mo.+   Mbi hule* na terê ti mo; maboko ti mo ti koli agbu mbi ngangu.+   Me azo so agi ti futi fini ti mbi,* ala yeke descend kâ na gbe ti sese. 10  A yeke zia ala ti tene épée afâ ala; ala yeke ga kobe ti ambo ti ngonda.* 11  Me gbia ayeke duti na ngia ndali ti Nzapa. Azo kue so adeba na iri ti Lo ayeke dekongo na ngia,* ndali ti so a yeke kanga yanga ti azo so atene mvene.

Kete tënë

Wala “âme ti mbi.”
Wala “âme ti mbi.”
Wala “Âme ti mbi ahule.”
Wala “futi âme ti mbi; fâ mbi.”
Wala “arenard.” Mbeni mara ti ambo ti ngonda so ala kono mingi pëpe, nga ala yo na nduzu mingi pëpe; amê ti ala ayo yongo.
Wala “pika kate ti ala.”