Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 62:1-12

LI TI ATËNË NI

  • Tâ salut alondo na Nzapa

    • “Mbi yeke ku Nzapa sân ti zi yanga” (1, 5)

    • ‘Ala zi bê ti ala kue na Nzapa’ (8)

    • Azo ayeke gï mbeni senge pupu so zo ayeke wu (9)

    • Zia bê ti mo na ndö ti mosoro ape (10)

Na mokonzi ti azo ti pikango mozoko; ti Jéduthun.* Bia ti David. 62  Biani, mbi yeke ku* Nzapa sân ti zi yanga. Salut ti mbi alondo na lo.+   Biani, lo yeke kota tênë ti mbi, salut ti mbi nga nzoni ndo so mbi yeke bata terê ti mbi dä;*+ ye ayeke yengi mbi ahon ndö ni lâ oko pëpe.+   Azo, juska lawa la ala yeke ngbâ ti tuku na ndö ti zo ti fâ lo?+ Ala kue ayeke sioni tongana mbeni gbagba so adengi, mbeni gbagba ti tênë so ayeke nduru ti tuku.*  Ala mä terê ti sara si mbeni zo alondo na kota ndo ti lo lo tï;* a nzere na ala ti tene mvene. Na yanga, ala yeke iri tufa na ndö ti zo, me na yâ ti bê ti ala, ala yeke deba zo.+ (Sélah)   Biani, mbi yeke ku Nzapa sân ti zi yanga,*+ ndali ti so beku ti mbi alondo na lo.+   Biani, lo yeke kota tênë ti mbi, salut ti mbi nga nzoni ndo so mbi yeke bata terê ti mbi dä; ye ayeke yengi mbi lâ oko pëpe.+   Nzapa la ayeke sö mbi nga lo la lo yeke sara si mbi wara gloire. Nzapa ayeke ngangu kota tênë ti mbi nga ndo so mbi yeke bata terê ti mbi dä.+   Azo, ala zia bê ti ala na ndö ti lo na ngoi kue. Ala zi bê ti ala kue na lo.+ Nzapa ayeke ndo ti batango terê ti e dä.+ (Sélah)   Amolenge ti azo ayeke gï mbeni senge pupu so zo ayeke wu. Amolenge ti azo ayeke gï ye ti handango zo senge.+ Tongana a zia ala kue na ndö ti kilo, senge pupu so zo ayeke wu ane ahon ala.+ 10  Ala zia bê ti ala pëpe na ndö ti mungo ye ti azo na likisi, nga ala handa terê ti ala pëpe ti zia bê ti ala na ndö ti nzi. Tongana mosoro ti ala amaï, ala zia bê ti ala na ndö ni pëpe.+ 11  Nzapa asara tënë fani oko, fani use mbi mä tënë so: Ngangu ayeke ti Nzapa.+ 12  Nga, tâ ndoye ayeke ti mo, Jéhovah,+ teti mo yeke futa zo oko oko alingbi na akusala ti lo.+

Kete tënë

Wala “âme ti mbi ayeke ku.”
Wala “nzoni ndo ti batango terê so ayeke na nduzu.”
A lingbi nga ti tene “Ala kue, mo bâ mo tene lo yeke mbeni gbagba so adengi, mbeni gbagba ti tênë so ayeke nduru ti tuku.”
Wala “si nengo ti mbeni zo atï.”
Wala “âme ti mbi, duti kpô, mo ku Nzapa.”