Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 61:1-8

LI TI ATËNË NI

  • Nzapa ayeke mbeni ngangu tour so akanga lege na awato

    • “Mbi yeke duti gene na yâ ti tente ti mo” (4)

Na mokonzi ti azo ti pikango mozoko; ti pika ni na aye ti mozoko so ayeke na kamba. Psaume ti David. 61  Nzapa, mä mbi tongana mbi toto na mo ti mû maboko na mbi. Mä sambela ti mbi.+   Kâ na nda ti sese, mbi yeke dekongo na mo na ngoi so bê ti mbi ayeke na kota vundu.*+ Gue na mbi na ndö ti mbeni kota tênë so ayo na nduzu ahon mbi,+   ndali ti so mo yeke ndo so mbi kpe dä ti bata terê ti mbi, ngangu tour so ayeke bata mbi si wato asara sioni na mbi pëpe.+   Mbi yeke duti gene na yâ ti tente ti mo lakue lakue;+ mbi yeke honde terê ti mbi na gbe ti akpangbi ti mo.+ (Sélah)   Mo, Nzapa, mo mä azendo so mbi mû na mo. Mo mû na mbi héritage so ayeke ti azo so akpe mbeto ti iri ti mo.+   Mo yeke zia ambeni lango na ndö ti alango ti fini ti gbia,+ nga ngu ti lo ayeke duti gbani alingbi na ti azo ti angoi nde nde so ayeke ga.   Lo yeke ngbâ na ndö ti trône* lakue lakue na gbele Nzapa;+ mû na lo tâ ndoye nga duti be-ta-zo na lo, si aye ni so abata lo.+   Na pekoni, mbi yeke he bia ti sepela* iri ti mo lakue lakue,+ na ngoi so, lâ oko oko, mbi yeke sara ye alingbi na azendo so mbi mû.+

Kete tënë

Wala “bê ti mbi awoko kue.”
Wala “Lo yeke duti.”
Wala “pika mozoko ndali ti.”