Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 60:1-12

LI TI ATËNË NI

  • Nzapa akinda awato

    • Salut so alondo na azo ayeke ye oko ape (11)

    • “Nzapa ayeke sara si e wara ngangu” (12)

Na mokonzi ti azo ti pikango mozoko; ti pika ni alingbi na bia “Fleur ti lis so adabe ti zo na mbeni ye.” Mictam.* Psaume ti David. Ti fa ye na zo. Na ngoi so lo sara bira na Aram-Naharaïm nga na Aram-Zobah, nga Joab akiri aga afâ azo ti Édom 12 000 na Popo-hoto ti Ingo.+ 60  Nzapa, mo ke e awe, mo kangbi yâ ti e kirikiri,+ mo sara ngonzo na terê ti e; me fadeso, kiri mo bâ e tongana azo ti mo.   Mo sara si sese ayengi ngangu, mo sara si yâ ti sese asuru. Kanga aplace so asuru, ndali ti so sese ni ayeke tï tingo.   Mo sara si azo ti mo abâ pasi mingi. Mo forcé e ti nyon vin so asara si e tambela tongana azo so asoulé.+   Fa mbeni ye ti tene azo so akpe mbeto ti mo abâ ni si ala kpe si lê ti kokora awara ala pëpe. (Sélah)   Sö e na maboko ti mo ti koli nga mo kiri tënë na e si a zi e azo so mo ye ala.+   Nzapa so ayeke nzoni-kue* atene: “Mbi yeke dekongo na ngia, mbi yeke mû Sichem na azo tongana héritage;+ nga mbi yeke mû mesure ti Popo-hoto* ti Succoth.+   Galaad ayeke ti mbi, tongana ti so Manassé ayeke ti mbi,+ nga Éphraïm ayeke casque* ndali ti li ti mbi; Juda ayeke keke ti mbi ti komandema.+  Moab ayeke sembe so mbi sukula ngu dä.+ Mbi yeke bi poro ti mbi na ndö ti Édom.+ Mbi yeke dekongo ti songo benda na ndö ti Philistie.”+   Zo wa la ayeke gue na mbi na gbata so awato asara camp* na terê ni so? Zo wa la ayeke fa lege na mbi juska ti si na Édom?+ 10  A yeke pëpe mo Nzapa, so mo ke e? Nzapa ti e, so mo sigi na terê ti aturugu ti e encore ape ti gue na bira.+ 11  Mû maboko na e na yâ ti vundu ti e, ndali ti so salut so alondo na azo ayeke ye oko pëpe.+ 12  Nzapa ayeke sara si e wara ngangu,+ nga lo yeke tambela na ndö ti awato ti e.+

Kete tënë

A lingbi nga ti tene “so ayeke na ndo ti lo so ayeke nzoni-kue.”
Wala “Kpangbala ndo.”
Na Hébreu: “ngangu gbagba.”
A lingbi nga ti tene “ngangu gbagba.”