Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 59:1-17

LI TI ATËNË NI

  • Nzapa ayeke vala nga ndo ti batango terê

    • ‘Sara nzoni bê pëpe na azo so akä amba ti ala’ (5)

    • “Mbi yeke he bia ti gonda ngangu ti mo” (16)

Na mokonzi ti azo ti pikango mozoko; ti pika ni alingbi na bia “Futi mbi pëpe.” Psaume ti David. Mictam.* Na ngoi so Saül atokua azo ti bembe ndo na yanga-da ti David ti fâ lo.+ 59  Nzapa ti mbi, zi mbi na tïtî awato ti mbi;+ bata mbi si azo so alondo na terê ti mbi asara sioni na mbi pëpe.+   Zi mbi na tïtî azo so asara aye ti sioni, na sö mbi na tïtî azo so asara ye ti ngangu na zo.*   Bâ! Ala honde terê ti ala ti ku mbi;+ Jéhovah, azo ti ngangu aga ti tiri na mbi, me a yeke pëpe ndali ti so mbi sara kpengba-li wala mbi sara siokpari.+   Atâa so mbi sara sioni pëpe, ala yeke ga na loro na ala leke terê ti ala ti tiri na mbi. Londo na ngoi so mbi iri mo, mo bâ ye so ayeke si.   Teti mo, Jéhovah, Nzapa ti aturugu, mo yeke Nzapa ti Israël.+ Zingo, mo bi lê ti mo na mbage ti amara kue. Sara nzoni bê pëpe na azo kue ti sioni bê so akä zo.+ (Sélah)   Lakue ala kiri aga na lakui;+ ala suku* tongana ambo,+ na ala yeke fono na yâ ti gbata ni ti gi ye.+   Bâ mara ti atënë so ayeke sigi gbani gbani na yanga ti ala so! Yanga ti ala ayeke tongana épée,+ teti ala tene: “Zo wa la ayeke mä?”+   Me mo, Jéhovah, mo yeke he ala;+ mo yeke he amara kue na ngia.+   Mo so mo yeke Ngangu ti mbi, lê ti mbi ayeke gï na lege ti ku mo;+ teti mo Nzapa, mo yeke nzoni ndo so mbi yeke bata terê ti mbi dä.*+ 10  Nzapa so afa tâ ndoye na mbi ayeke ga ti mû maboko na mbi;+ Nzapa ayeke sara si mbi bâ tingo ti awato ti mbi.+ 11  Fâ ala pëpe, si azo ti mbi agirisa ye so pëpe. Na ngangu ti mo, sara si ala fono gï tongaso; Jéhovah, vala ti e,+ sara si ala tï. 12  Ndali ti siokpari ti yanga ti ala, tënë ti yanga ti ala, zia si baba ti ala agbu ala tongana kûkû,+ ndali ti so ala zonga ndo nga ala handa azo na tënë ti yanga ti ala. 13  Hunzi ala kue na lê ti ngonzo ti mo;+ hunzi ala kue, si mbeni oko angbâ pëpe; sara si ala hinga so Nzapa la ayeke komande na ndö ti Jacob nga juska na nda ti sese.+ (Sélah) 14  Zia si ala kiri aga na lakui; zia si ala suku* tongana ambo, na ala fono na yâ ti gbata ni ti gi ye.+ 15  Zia si ala fono gï tongaso ti gi mbeni ye ti te;+ zia si ala wara ye alingbi na nzara ti ala pëpe wala ala wara ndo ti lango dä pëpe. 16  Me ti mbi, mbi yeke he bia ti gonda ngangu ti mo;+ na ndapre, mbi yeke sara tënë ti tâ ndoye ti mo na ngia na bê, ndali ti so mo yeke nzoni ndo so mbi yeke bata terê ti mbi dä,+ nga ndo so mbi kpe dä na ngoi ti vundu ti mbi.+ 17  Mo so mo yeke Ngangu ti mbi, mbi yeke he bia ti sepela mo,*+ teti mo Nzapa, mo yeke nzoni ndo so mbi yeke bata terê ti mbi dä, Nzapa so afa tâ ndoye na mbi.+

Kete tënë

Wala “azo so aye tukungo mênë.”
Wala “dekongo.”
Wala “nzoni ndo ti batango terê so ayeke na nduzu.”
Wala “dekongo.”
Wala “pika mozoko na mo.”