Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 57:1-11

LI TI ATËNË NI

  • Sambela ti tene Nzapa asara nzoni bê na lo

    • Bata terê na gbe ti akpangbi ti Nzapa (1)

    • Awato atï na yâ ti gbanda ti ala wani (6)

Na mokonzi ti azo ti pikango mozoko; ti pika ni alingbi na bia “Futi mbi pëpe.” Psaume ti David. Mictam.* Na ngoi so lo kpe Saül si lo honde terê ti lo na yâ ti kota dû ti tênë.+ 57  Sara nzoni bê na mbi, Nzapa, sara nzoni bê na mbi, ndali ti so mbi kpe* na mbage ti mo ti bata terê ti mbi;+ mbi kpe mbi gue na gbe ti akpangbi ti mo ti bata terê ti mbi juska ye ti ngangu ahon kue si.+   Mbi iri ndo na Nzapa, Lo so ayeke na nduzu na ndö ti aye kue, mbi iri ndo na tâ Nzapa so, ndali ti mbi, lo sara si aye ti ngangu so ahunzi.   Na yayu kâ, lo yeke tokua mbeni ye ti mû maboko na mbi nga ti sö mbi.+ Lo yeke sara si bê ti zo so agi ti te mbi ason. (Sélah) Nzapa ayeke fa so lo yeke na tâ ndoye nga lo yeke be-ta-zo.+   Abamara+ angoro mbi* kue; A lingbi mbi lango na popo ti azo so aye ti futi mbi, ala so pembe ti ala ayeke likongo na lê ti kokora, nga yanga ti ala ayeke épée so yanga ni aza.+   Nzapa, zia si a yâa mo na nduzu ahon yayu; zia si gloire ti mo aduti na nduzu na ndö ti sese kue.+   Awato ti mbi aleke gbanda ti gbu gere ti mbi;+ mbi ba* bango ndali ti vundu so ahon ndö ti mbi.+ Ala zi dû na devant ti mbi; me ala wani atï na yâ ni.+ (Sélah)   Nzapa, bê ti mbi ayengi pëpe,+ bê ti mbi ayengi pëpe. Mbi yeke he bia nga mbi yeke pika mozoko.   Gloire ti mbi, mo zingo. Mo, ye ti mozoko so ayeke na kamba, mo zingo; harpe, mo nga kue mo zingo. Ti mo ndapre, mbi yeke zingo mo na lango.+   Jéhovah, mbi yeke sepela mo na popo ti azo ti amara;+ mbi yeke he bia ti sepela* mo na popo ti amara,+ 10  ndali ti so tâ ndoye ti mo ayeke kota, a yeke na nduzu mingi tongana yayu,+ nga aye so afa so mo yeke be-ta-zo ague juska andu lê ti nduzu. 11  Nzapa, zia si a yâa mo na nduzu ahon yayu; zia si gloire ti mo aduti na nduzu na ndö ti sese kue.+

Kete tënë

Wala “âme ti mbi akpe.”
Wala “âme ti mbi.”
Wala “âme ti mbi aba.”
Wala “pika mozoko na.”