Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 56:1-13

LI TI ATËNË NI

  • David asambela na ngoi so a sara ye ti ngangu na lo

    • “Mbi zia bê ti mbi na ndö ti Nzapa” (4)

    • ‘Ngu ti lê ti mbi ayeke na yâ ti ngbenda ti mo’ (8)

    • “Nyen la senge zo alingbi ti sara na mbi nyen?” (4, 11)

Na mokonzi ti azo ti pikango mozoko; ti pika ni alingbi na bia “Kolokoto so aduti na yongoro ndo si atoto pëpe.” Psaume ti David. Mictam.* Na ngoi so aPhilistin agbu lo na kodro ti Gath.+ 56  Nzapa, sara nzoni bê na mbi ndali ti so mbeni senge zo aga ti sara sioni na mbi.* Na yâ ti lango ni kue, awato angbâ ti tiri na mbi nga ti sara pasi na mbi.   Na yâ ti lango ni kue, awato ti mbi agi ti te mbi na pembe ti ala, baba apusu gbâ ti ala ti tiri na mbi.   Na ngoi so mbeto asara mbi,+ mbi zia bê ti mbi na ndö ti mo.+   Mbi zia bê ti mbi na ndö ti Nzapa, lo so mbi gonda tënë ti lo, mbi zia bê ti mbi na ndö ti Nzapa, mbeto asara mbi pëpe. Nyen la senge zo* alingbi ti sara na mbi nyen?+   Na yâ ti lango ni kue, ala gi ti ga na kpale na mbi; oko ye so agbu bê ti ala ayeke ti sara sioni na mbi.+   Ala honde terê ti ala ti sara sioni na mbi, ala gi ti bâ alege kue so mbi yeke mû,+ si ala lingbi ti zi fini* ti mbi.+   Ke ala ndali ti sioni ti ala. Nzapa, kinda amara na lê ti ngonzo ti mo.+   Ando nde nde kue so mbi tambela dä, mo hinga ni.+ Zia ngu ti lê ti mbi kue na yâ ti ngbenda ti mo.*+ A sû tënë ti aye so na yâ ti mbeti ti mo ape?+   Na lango so mbi iri ndo na mo ti mû maboko na mbi, awato ti mbi ayeke zi terê ti ala, ala hon.+ Ye so mbi hinga biani ayeke so: Nzapa ayeke na mbage ti mbi.+ 10  Mbi zia bê ti mbi na ndö ti Nzapa, lo so mbi gonda tënë ti lo, mbi zia bê ti mbi na ndö ti Jéhovah, lo so mbi gonda tënë ti lo. 11  Mbi zia bê ti mbi na ndö ti Nzapa, mbeto asara mbi pëpe.+ Nyen la senge zo alingbi ti sara na mbi nyen?+ 12  Nzapa, mbi doit gï ti sara ye alingbi na azendo so mbi mû na mo;+ mbi yeke mû na mo asandaga ti mungo singila.+ 13  Mo zi mbi* na lê ti kuâ+ nga mo bata gere ti mbi si mbi tï pëpe,+ si mbi tambela na gbele Nzapa, na yâ ti lumière ti azo so ayeke na fini.+

Kete tënë

Wala “te mbi na pembe ti lo.”
Na Hébreu: “mitele.”
Wala “âme.”
Ngbenda so a sara na poro ti nyama.
Wala “âme ti mbi.”