Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 54:1-7

LI TI ATËNË NI

  • Sambela ti sigi na tïtî awato

    • “Nzapa la ayeke mû maboko na mbi” (4)

Na mokonzi ti azo ti pikango mozoko; ti pika ni na aye ti mozoko so ayeke na kamba. Maskil.* Psaume ti David na ngoi so azo ti kodro ti Ziph ague atene na Saül: “David ahonde terê ti lo na popo ti azo ti e.”+ 54  Nzapa, sö mbi na lege ti iri ti mo;+ gbu koko ti mbi+ na lege ti ngangu ti mo.   Nzapa, mä sambela ti mbi;+ dengi mê, mo mä tënë ti yanga ti mbi.   Awande alondo na terê ti mbi, azo so abâ mawa ti zo pëpe agi ti mû fini* ti mbi.+ Ala ne Nzapa oko pëpe.*+ (Sélah)   Bâ, Nzapa la ayeke mû maboko na mbi;+ Jéhovah ayeke na azo so amû maboko na mbi.*   Lo yeke kiri na sioni ti awato ti mbi+ na li ti ala wani; so mo yeke be-ta-zo, mo futi ala.*+   Mbi yeke mû ande sandaga na mo+ na bê ti mbi wani. Jéhovah, mbi yeke sepela iri ti mo, ndali ti so a yeke nzoni.+   Lo sö mbi na yâ ti aye ti vundu kue,+ na mbi yeke bâ tingo ti awato ti mbi.+

Kete tënë

Wala “âme.”
Wala “Ala zia pëpe si Nzapa angbâ na gbele ala.”
Wala “âme ti mbi.”
Na Hébreu: “sara si ala duti kpô.”