Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 51:1-19

LI TI ATËNË NI

  • Sambela ti zo so achangé bê ti lo

    • A mû ngo ti e na yâ ti siokpari (5)

    • ‘Zi siokpari ti mbi si mbi ga nzoni’ (7)

    • “Sara si mbi wara mbeni bê so avuru” (10)

    • Bê so ayeke na vundu anzere na Nzapa (17)

Na mokonzi ti azo ti pikango mozoko. Bia ti David na ngoi so prophète Nathan ague abâ David na peko ti so David abungbi na Bath-Shéba.+ 51  Nzapa ti mbi, sara nzoni bê na mbi alingbi na tâ ndoye ti mo.+ Zi akengo ndia ti mbi kue alingbi na nzoni bê ti mo+ so ayeke kota.   Sukula mbi nzoni si faute so mbi sara ahon,+ sara si mbi vuru na peko ti siokpari so mbi sara.+   Mbi hinga nzoni mingi akengo ndia ti mbi, na siokpari ti mbi ayeke lakue na gbele mbi.*+   Siokpari so mbi sara, mbi sara ni kozoni kue na terê ti mo;+ mbi sara ye so ayeke sioni na lê ti mo.+ Tongaso, mo yeke mbilimbili na ngoi so mo yeke sara tënë, mo yeke na raison na yâ ti ngbanga so mo fâ.+   Bâ, na ngoi so a dü mbi, tënë ayeke na li ti mbi awe, na mama ti mbi amû ngo ti mbi na yâ ti siokpari.*+   Mo yeke na ngia ti bâ tâ tënë so ayeke na bê ti zo;+ fa na bê ti mbi tâ ndara.   Mû hysope mo zi na siokpari ti mbi si mbi ga nzoni;+ sukula mbi, si mbi vuru ahon neige.+   Sara si mbi mä go ti azo so terê ti ala anzere na so ayeke sara ngia, tongaso si abio ti mbi so mo fâ yâ ni kete kete aduti na ngia.+   Bi lê ti mo yongoro* na asiokpari ti mbi,+ na zi* asiokpari ti mbi kue.+ 10  Nzapa ti mbi, sara si mbi wara mbeni bê so avuru,+ nga mbeni fini bibe+ so ayeke sara si mbi luti ngangu. 11  Tomba mbi yongoro na terê ti mo pëpe; nga zi yingo vulu ti mo na ndö ti mbi pëpe. 12  Sara si mbi kiri mbi wara ngia so mbi yeke na ni lani na ngoi so mo sö mbi;+ zia na yâ ti mbi nzara ti duti nduru ti mä yanga ti mo.* 13  Mbi yeke fa lege ti mo na azo ti kengo ndia,+ si azo so asara siokpari akiri na mo. 14  Nzapa ti mbi, Nzapa ti salut ti mbi,+ zi ngbanga ti mênë na li ti mbi,+ si yanga ti mbi afa tënë ti mbilimbili ti mo na ngia.+ 15  Jéhovah, zi yanga ti mbi, si yanga ti mbi asepela mo.+ 16  Mo ye sandaga pëpe. Tongana fade mo ye ni, ka mbi mû ni na mo;+ me sandaga so a zö ni agbi kue anzere na mo pëpe.+ 17  Asandaga so anzere na Nzapa ayeke bê so ayeke na vundu; bê so ayeke na vundu nga so anze kue, Nzapa ti mbi, mo yeke ke ni pëpe.*+ 18  Na lege ti nzoni bê ti mo, sara ye ti nzoni ndali ti Sion; leke agbagba ti Jérusalem. 19  Tongaso, mo yeke wara ngia na asandaga ti mbilimbili, asandaga so a zö ni agbi kue nga na asandaga so a yeke mû ni kue; na a yeke yâa ande akoli-bagara na sandaga na ndö ti gbalaka ti mo.+

Kete tënë

Wala “lakue na yâ ti li ti mbi.”
Wala “na mbi yeke wasiokpari ngbene ye so mama ti mbi amû ngo ti mbi.”
Wala “Honde lê ti mo.”
Wala “essuyé.”
Na Hébreu: “zia mo mû maboko na mbi na bê ti mo wani.”
Wala “mo yeke bâ ni tongana mbumbuse ye pëpe.”