Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 5:1-12

LI TI ATËNË NI

  • Jéhovah, Nzapa so abata azo ti mbilimbili

    • Nzapa ake sarango ye ti sioni (4, 5)

    • “Gue na mbi na ndö ti lege ti mo so ayeke mbilimbili” (8)

Na mokonzi ti azo ti pikango mozoko, ndali ti Néhiloth.* Bia ti David. 5  Jéhovah, mä tënë ti mbi;+ dengi mê ti mo ti mä dema ti mbi.   Mä mbi tongana mbi toto na mo ti mû maboko na mbi, Gbia ti mbi na Nzapa ti mbi, ndali ti so mo la mbi sambela mo.   Jéhovah, mo yeke mä ande go ti mbi na ndapre;+ mbi yeke fa ande gingo bê ti mbi na mo+ na ndapre na mbi yeke ku mo kungo.   Mo yeke Nzapa so ye ti sioni anzere na mo pëpe;+ zo ti sioni alingbi ti ngbâ na terê ti mo pëpe.+   Zo ti fandara alingbi ti luti na gbele mo pëpe. Mo ke azo kue so sarango ye ti ala ayeke sioni;+   mo yeke futi azo ti mvene.+ Jéhovah ake na bê oko azo so asara ye ti ngangu na zo nga na azo ti handa.*+   Me ndali ti tâ ndoye ti mo+ so ayeke kota mingi, mbi yeke lï na da ti mo;+ Mbi yeke bâ ndo na mbage ti temple* ti mo so ayeke nzoni-kue, si mbi kuku ti fa so mbi kpe mbeto ti mo.+   Jéhovah, gue na mbi na ndö ti lege ti mo so ayeke mbilimbili ndali ti awato ti mbi; sara si lege ti mo aduti polele na lê ti mbi.+   Zo alingbi ti zia bê na tënë ti yanga ti ala pëpe; gï bibe ti sarango sioni la ayeke na yâ ti ala; lege ti go ti ala ayeke dû ti kuâ so yanga ni azi; ala yeke woko zo na anzerengo tënë ti yanga ti ala.*+ 10  Me Nzapa ayeke tene so ala yeke na tënë na li ti ala; mayele ti ala wani la ayeke kinda ala.+ Mbi ye si a tomba ala ngbanga ti gbâ ti akengo ndia ti ala, ndali ti so ala sara kpengba-li na mo. 11  Me azo kue so ague na mbage ti mo ti bata terê ti ala ayeke duti na ngia;+ ala yeke dekongo na ngia lakue. Mo yeke kanga lege na azo so aye ti sara sioni na ala, na azo so aye iri ti mo ayeke duti na ngia ndali ti mo. 12  Jéhovah, mo yeke iri tënë nzoni na ndö ti azo ti mbilimbili kue; nzoni bê ti mo ayeke ngoro ala tongana kota vala.+

Kete tënë

Wala “zo ti sango mênë nga na zo ti handa.”
Wala “ndo.”
Wala “menga ti ala ayeke tene apendere tënë.”