Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 48:1-14

LI TI ATËNË NI

  • Sion, gbata ti Kota Gbia

    • Azo ti sese kue aduti na ngia (2)

    • Ngoro na terê ti gbata ni nga na atour ti lo ti bâ ni (11-13)

Bia. Bia ti amolenge ti Coré.+ 48  Jéhovah ayeke kota nga lo lingbi ti tene a gonda lo ahon tanga ti azo kuena yâ ti gbata ti Nzapa ti e, na yâ ti hoto ti lo ti nzoni-kue.   Gbata ni ayeke pendere na ndo so ayeke dä na nduzu kâ, na a mû ngia na azo ti sese kue;+a yeke na ndö ti Hoto ti Sion so ayeke na mbage ti nord kâ,a yeke gbata ti Kota Gbia.+   Na yâ ti angangu tour ti gbata ni,Nzapa asara si azo ahinga so lo yeke nzoni ndo so zo alingbi ti kpe dä ti bata terê ti lo.*+   Bâ, agbia abungbi oko,*ala kue ayeke na lege ti gango ni.   Tongana ala bâ gbata ni, bê ti ala adö. Mbeto ahon ndö ti ala si li ti ala aga kirikiri, na ala kpe.   Kâ, terê ti ala adö ngangu;ye ason ala ngangu tongana ti wali so aye ti dü.   Mo tokua pupu ti mbage ti est, na a tuku abateau ti Tarsis.   Ye so e mä tënë ni so, fadeso e bâ na lê ti e wanina yâ ti gbata ti Jéhovah ti aturugu, na yâ ti gbata ti Nzapa ti e. Nzapa ayeke sara si gbata ni angbâ lakue lakue.+ (Sélah)   Na yâ ti temple ti mo,Nzapa ti e,+ e gbu li na ndö ti tâ ndoye ti mo. 10  Nzapa ti e, tongana ti so iri ti mo asi juska na nda ti sese kue,+sepela so a mû na mo asi juska na nda ti sese kue. Yâ ti maboko ti mo ti koli asi singo na mbilimbili.+ 11  Zia si Hoto ti Sion+ aduti na ngia,zia si agbata* ti Juda aduti na ngia ndali ti angbanga so mo fâ.+ 12  Ala tambela na terê ti Sion, ala ngoro na terê ni kue,ala diko atour ni.+ 13  Ala gbu li nzoni na ndö ti akota gbagba* ni.+ Ala bâ nzoni aye ti terê ti angangu tour ni,si ala lingbi ti fa tënë ni na amolenge so ayeke ga ande na peko ti ala. 14  Nzapa so, lo yeke Nzapa ti e+ lakue lakue nga kpu na kpu. Lo yeke fa lege na e lakue.*+

Kete tënë

Wala “nzoni ndo ti batango terê so ayeke na nduzu.”
Wala “awara terê na peko ti so ala mä terê.”
Na Hébreu: “amolenge-wali.”
Wala “angangu gbagba.”
A lingbi nga ti tene “juska e kui.”