Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 47:1-9

LI TI ATËNË NI

  • Nzapa ayeke Gbia na ndö ti sese kue

    • ‘Jéhovah apika bê mingi’ (2)

    • He bia ti sepela na Nzapa (6, 7)

Na mokonzi ti azo ti pikango mozoko. Psaume ti amolenge ti Coré.+ Bia. 47  Azo ti amara kue, ala pika maboko. Ala dekongo ti songo benda na Nzapa na ngia.   Jéhovah, Lo so ayeke na nduzu na ndö ti aye kue, apika bê mingi;+ Lo yeke kota Gbia na ndö ti sese kue.+   Lo zia azo ti amara na gbe ti e, Lo zia amara na gbe ti gere ti e.+   Lo soro ye so lo ye ti mû na e tongana héritage,+ gloire ti Jacob, so lo ye lo mingi.+ (Sélah)   Nzapa amonté na nduzu na ngoi so azo ayeke dekongo na ngia, Jéhovah amonté na nduzu na ngoi so a yeke hûru didi.*   Ala he bia ti sepela* na Nzapa, ala he bia ti sepela. Ala he bia ti sepela na Gbia ti e, ala he bia ti sepela.   Nzapa ayeke Gbia ti sese kue;+ Ala he bia ti sepela na lo, nga ala fa so ala hinga ti bâ yâ ti aye nzoni.   Nzapa aga Gbia na ndö ti amara.+ Nzapa aduti na ndö ti trône ti lo so ayeke nzoni-kue.   Amokonzi ti azo ti amara abungbi ndo oko na azo ti Nzapa ti Abraham. Amokonzi* ti sese ayeke ti Nzapa. A gonda kota ti lo mingi.+

Kete tënë

Wala “didi ti koli-ngasa; trompette.”
Wala “pika mozoko.”
Na Hébreu: “Avala.”