Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 46:1-11

LI TI ATËNË NI

  • “Nzapa ayeke ndo so e kpe dä ti bata terê ti e”

    • Akusala so Nzapa asara so apika bê (8)

    • Nzapa ayeke sara si abira ahunzi na ndö ti sese kue (9)

Na mokonzi ti azo ti pikango mozoko. Psaume ti amolenge ti Coré.+ Ti pika ni alingbi na Alamoth.* Bia. 46  Nzapa ayeke ndo so e kpe dä ti bata terê ti e nga na ngangu ti e;+ na ngoi ti vundu, a yeke ngangu pëpe ti kpe na mbage ti lo ti tene lo mû maboko na e.+   Ndani la mbeto ayeke sara e pëpe même tongana sese achangé, wala tongana ahoto atuku alinda na gbe ti ngu-ingo;+   même tongana ngu-ingo ni atoto ngangu nga asara mousse,+ wala même tongana suango ni ayengi ahoto. (Sélah)   Mbeni kota ngu ayeke dä so amaboko ni asara si gbata ti Nzapa ayeke na ngia,+ tabernacle ti Lo so ayeke na nduzu na ndö ti aye kue, kota tabernacle so ayeke pendere nga nzoni-kue.   Nzapa ayeke na yâ ti gbata ni,+ a lingbi ti kinda ni pëpe. Na kota ndapre,+ Nzapa ayeke ga ti mû maboko na ni.   Amara alondo na wusuwusu, a kinda aroyaume; lo dekongo, na sese amû wâ aga tongana ngu.+   Jéhovah ti aturugu ayeke na terê ti e;+ Nzapa ti Jacob ayeke nzoni ndo ti batango terê ti e.* (Sélah)   Ala ga abâ akusala so Jéhovah asara, Ala bâ tongana nyen lo sara na ndö ti sese aye so apika bê ti zo.   Lo yeke sara si abira ahunzi na ndö ti sese kue.+ Lo fâ yâ ti kokora, nga lo fâ yâ ti likongo kete kete; lo zö apuse ti mbarata ti sarango na bira.* 10  Lo tene: “Zia si ala hinga so mbi yeke Nzapa. A yeke gonda kota ti mbi na popo ti amara,+ a yeke gonda kota ti mbi na ndö ti sese.”+ 11  Jéhovah ti aturugu ayeke na terê ti e;+ Nzapa ti Jacob ayeke nzoni ndo ti batango terê ti e.+ (Sélah)

Kete tënë

Wala “nzoni ndo ti batango terê so ayeke na nduzu.”
A lingbi nga ti tene “avala.”