Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 45:1-17

LI TI ATËNË NI

  • Mariage ti gbia so a tuku mafuta na li ti lo

    • Anzerengo tënë asigi na yanga ti lo “Nzapa ayeke trône ti mo lakue lakue” (6)

    • Gbia ni asara nzara ti pendere ti wali ti lo (11)

    • Amolenge ti lo ti koli aga amokonzi na ndö ti sese kue (16)

Na mokonzi ti azo ti pikango mozoko; ti pika ni alingbi na bia “Afleur ti lis.” Psaume ti amolenge ti Coré.+ Maskil.* Bia ti yengo terê. 45  Bê ti mbi asi singo na mbeni nzoni ye, si mbi tene: “Bia ti mbi* ayeke na ndö ti mbeni gbia.”+ Zia si langue ti mbi aga tongana keke-mbeti+ ti mbeni zo so ahinga ti sû mbeti pendere mingi.*+   Mo yeke pendere koli mingi ahon tanga ti amolenge ti azo kue. Anzerengo tënë la ayeke sigi na yanga ti mo.+ Ndani la Nzapa asara tufa na ndö ti mo lakue lakue.+   Mo wangangu,+ kanga épée ti mo+ na terê ti mo, na zia si azo abâ kota ti mo nga na gloire ti mo.+   Na yâ ti gloire ti mo, gue mo sö benda;+ monté na ndö ti mbarata, gue mo tiri ndali ti tâ tënë, ndali ti azo so asara terê ti ala kete nga ndali ti mbilimbili;+ maboko ti mo ti koli ayeke sara* ande akpengba ye so apika bê ti zo mingi.   Yanga ti alê ti kokora ti mo aza mingi, a sara si azo ti amara ayeke tï na gbele mo;+ alê ti kokora ni alï bê ti awato ti gbia.+   Nzapa ayeke trône ti mo lakue lakue nga kpu na kpu;+ keke ti komandema ti royaume ti mo ayeke mbeni keke ti komandema ti mbilimbili.*+   Mo ye mbilimbili+ na mo ke ye ti sioni.+ Ndani la Nzapa, lo so ayeke Nzapa ti mo, atuku mafuta na li ti mo+ ahon amba ti mo, mafuta so amû na mo ngia mingi.+   Terê ti abongo ti mo kue afun gï yombo ti myrrhe, ti aloès na ti keke ti casse; terê ti mo anzere ti mä go ti aye ti mozoko so ayeke na kamba so alondo na yâ ti yangbo so a zia pembe ti doli na terê ni ti sara pendere ni.   Amolenge-wali ti agbia ayeke na popo ti awali ti yangbo ti mo so a ne ala mingi. Gbia-wali ni aluti na terê ti mo na mbage ti koli, lo yü aye ti pendere ti lor ti Ophir.+ 10  Molenge-wali, dengi mê ti mo, mo mä mbi; zi bê ti mo na ndö ti azo ti mo nga na azo ti da ti babâ ti mo. 11  Gbia ayeke sara nzara ti pendere ti mo; so lo yeke seigneur ti mo, kuku na gbe ti lo. 12  Maseka-wali ti Tyr ayeke ga na matabisi, akoli so ayeke na mosoro ahon atanga ni kue ayeke gi ande ti nzere na lê ti mo.* 13  Molenge-wali ti gbia ayeke na yâ ti yangbo,* na pendere ti lo ni, mara ni ayeke use pëpe. A zia lor na terê ti bongo ti lo tongana ye ti baba. 14  A yeke ga na lo na gbele gbia, lo yü bongo so a kpo ni pendere.* Amba ti lo amaseka-wali so ayeke mû peko ti lo, a yeke ga na ala na gbele mo. 15  A yeke ga na ala, terê ti ala anzere nga ala yeke sara ngia; ala yeke lï na yâ ti yangbo ti gbia. 16  Amolenge ti mo ti koli ayeke mû place ti akotara ti mo. Mo yeke zia ala tongana amokonzi na ndö ti sese kue.+ 17  Mbi yeke sara si azo ahinga iri ti mo na yâ ti angoi nde nde kue.+ Ndani la azo ti amara ayeke sepela mo lakue lakue nga kpu na kpu.

Kete tënë

Na Hébreu: “Akua ti mbi.”
Wala “scribe.”
Na Hébreu: “fa na mo.”
Wala “fango ngbanga mbilimbili.”
Wala “gi ti sara si bê ti mo adë.”
Na Hébreu: “na yâ ni.”
A lingbi nga ti tene “arobe so a zia aye ti pendere na terê ni.”