Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 44:1-26

LI TI ATËNË NI

  • Sambela ti tene Nzapa amû maboko

    • “Mo la mo sö e lani” (7)

    • “Tongana ataba ti fango ni” (22)

    • “Londo tongana zo ti mungo maboko na e!” (26)

Na mokonzi ti azo ti pikango mozoko. Psaume ti amolenge ti Coré.+ Maskil.* 44  Nzapa ti mbi, e mä na mê ti e wani, akotara ti e afa peko ni na e,+ aye so mo sara na ngoi ti ala, na ngoi ti ândö.   A yeke na maboko ti mo la mo tomba amara,+ na mo zia akotara ti e na place ti ala.+ Mo neka amara na mo tomba ala.+   Épée ti ala la amû lege na ala ti mû sese ni pëpe,+ wala maboko ti ala la asara si ala sö benda pëpe.+ Me a yeke maboko ti mo ti koli, tïtî mo+ nga na lumière ti lê ti mo, ndali ti so sarango ye ti ala anzere na mo.+   Nzapa ti mbi, mo yeke Gbia ti mbi;+ mû yanga ti tene Jacob asö benda* biani biani na ndö ti awato ti lo.   Na lege ti ngangu ti mo, e yeke tomba awato ti e;+ na iri ti mo, e yeke tambela na ndö ti azo so alondo na terê ti e.+   Mbi zia bê ti mbi na ndö ti kokora ti mbi pëpe, nga épée ti mbi apeut ti sö mbi pëpe.+   Mo la mo sö e lani na tïtî awato ti e,+ mo la mo zia kamene na lê ti azo so ake e.   E yeke sepela Nzapa na yâ ti lango ni kue, nga e yeke kiri singila na mo lakue ndali ti iri ti mo. (Sélah)   Me fadeso, mo tomba e yongoro na terê ti mo na mo zia kamene na lê ti e; mo sigi na terê ti aturugu ti e pëpe ti gue na bira. 10  Lakue mo sara si e kpe na devant ti awato ti e;+ azo so ake e agbu aye ti e kue so bê ti ala aye. 11  Mo zia e na maboko ti azo ti tene ala futi e tongana ataba; mo kangbi yâ ti e na popo ti amara.+ 12  Mo kä azo ti mo na buba ngere,+ mo wani mo wara ye oko na pekoni pëpe.* 13  Mo sara si e ga ye ti zonga na lê ti azo so ayeke nduru na e; azo kue so angoro e ayeke zonga e, nga e ga ye ti hengo ni na lê ti ala. 14  Mo sara si e ga ye ti ngia na popo ti amara,+ mbeni ye so azo ayeke zere ni. 15  Kamene asara mbi na yâ ti lango ni kue, kamene ahon ndö ti mbi, 16  ndali ti so lakue mbi yeke mä atënë ti ala ti gingo yanga nga na ayanga ti mbana, ndali ti awato ti e so ayeke kiri na e peko ti ye ti sioni so e sara. 17  Aye so kue asi na e, me e girisa mo pëpe nga e fâ yâ ti mbele ti mo pëpe.+ 18  Bê ti e ague nde pëpe, nga gere ti e azia lege ti mo pëpe. 19  Me mo neka e na ndo so ambo ti ngonda aduti dä, mo sara si kota bingo amû ndö ti e. 20  Tongana e girisa iri ti Nzapa ti e, wala e yôro maboko ti e ti sambela mbeni nzapa ti awande, 21  Nzapa ayeke hinga ni ape? Lo so ahinga aye so ahonde na yâ ti bê ti zo.+ 22  Ndali ti mo, a yeke fâ e na yâ ti lango ni kue; a bâ e tongana ataba ti fango ni.+ 23  Jéhovah, mo londo! Ye ni tongana nyen si mo ngbâ ti lango so?+ Mo zingo! Ngbâ lakue ti tomba e yongoro na mo pëpe.+ 24  Mo honde lê ti mo na e ngbanga ti nyen? Mo girisa na ndö ti vundu na pasi ti e so ngbanga ti nyen? 25  A bi e* na yâ ti sese; a pete e na sese.+ 26  Londo tongana zo ti mungo maboko na e!+ So mo yeke na tâ ndoye+ na mbage ti e, sö* e.

Kete tënë

Wala “mû lege na Jacob ti sö benda.”
Wala “mo wara ye oko pëpe na ngere so mo kä na ala.”
Wala “âme ti e.”
Na Hébreu: “zi.”