Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 42:1-11

LI TI ATËNË NI

  • A sepela Nzapa tongana Kota Sauveur

    • Sara nzara ti Nzapa tongana ti so lekpa asara nzara ti ngu (1, 2)

    • “Ngbanga ti nyen vundu ahon ndö ti mbi tongaso?” (5, 11)

    • “Ku Nzapa” (5, 11)

Na mokonzi ti azo ti pikango mozoko. Maskil* ti amolenge ti Coré.+ 42  Nzapa ti mbi, tongana ti so lekpa asara nzara ti angu so ayeke sua,mbi kue mbi sara nzara* ti mo mingi.   Tongana ti so nzara ti ngu asara zo, mbi yeke na nzara* ti Nzapa so ayeke na fini.+ Lawa si mbi lingbi ti ga ti luti na gbele Nzapa?+   Bï na lâ, ngu ti lê ti mbi aga kobe ti mbi;na yâ ti lango ni kue, azo ayeke gi yanga ti mbi, atene: “Nzapa ti mo ni ayeke na ndo wa?”+   Mbi dabe ti mbi na aye so asi giriri, na mbi sigi na atënë ti bê* ti mbi kue,ndali ti so lani mbi na gbâ ti azo e yeke tambela,mbi yeke na devant ti ala si e yeke gue yeke yeke na da ti Nzapa;e yeke dekongo na ngia nga e yeke kiri singila;ngia ti e ni ayeke ti gbâ ti azo so ayeke sara matanga.+   Ngbanga ti nyen vundu ahon ndö ti mbi* tongaso?+ Ngbanga ti nyen mbi yeke gi bê ti mbi mingi tongaso? A yeke nzoni mbi ku Nzapa,+ndali ti so mbi yeke kiri ande ti sepela lo tongana Kota Sauveur ti mbi.+   Nzapa ti mbi, vundu ahon ndö ti mbi.*+ Ndani la mbi dabe ti mbi na mo+na ngoi so mbi yeke na sese ti Jourdain, na ndö ti ahoto ti Hermon,nga na ndö ti Hoto ti Mitséar.*   Na ngoi so a mä bruit ti achute ti ngu ti mo,a yeke mo bâ mo tene angu so alï ayeke iri mba. A yeke tongana ti so amapo kue ti angu so ayeke sua na ngangu alondo atï na ndö ti mbi.+   Na kota lâ, Jéhovah ayeke fa tâ ndoye na mbi;na bï, bia ti lo ayeke duti na yanga ti mbi: a yeke mbeni sambela so mbi tene na Nzapa so amû na mbi fini.+   Mbi yeke tene na Nzapa so ayeke kota tênë ti mbi, mbi tene: “Mo girisa mbi ngbanga ti nyen?+ Ngbanga ti nyen mbi yeke tambela na vundu ndali ti ye ti ngangu so wato ti mbi ayeke sara na mbi so?”+ 10  Awato ti mbi so aye kuâ ti mbi agi yanga ti mbi;na yâ ti lango ni kue, ala yeke gi yanga ti mbi, atene: “Nzapa ti mo ni ayeke na ndo wa?”+ 11  Ngbanga ti nyen vundu ahon ndö ti mbi* tongaso? Ngbanga ti nyen mbi yeke gi bê ti mbi mingi tongaso? A yeke nzoni mbi ku Nzapa,+ndali ti so mbi yeke kiri ande ti sepela lo tongana Kota Sauveur ti mbi.+

Kete tënë

Wala “âme ti mbi asara nzara.”
Wala “âme ti mbi ayeke na nzara.”
Na Hébreu: “âme.” Bâ na kete bakari.
Wala “âme ti mbi.”
Wala “âme ti mbi.”
Wala “kete hoto.”
Wala “âme ti mbi.”