Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 41:1-13

LI TI ATËNË NI

  • Sambela ti zo so ayeke na ndö ti tange ti kobela

    • Nzapa ayeke mû ngangu na zo ti kobela (3)

    • Kota kamarade alondo ti ke lo (9)

Na mokonzi ti azo ti pikango mozoko. Bia ti David. 41  Ngia ayeke na zo so asara nzoni bê na zo ti mawa;+ Jéhovah ayeke sö lo na ngoi ti ye ti vundu.   Jéhovah ayeke bâ ndo na ndö ti lo nga lo yeke bata lo na fini. Azo ti sese ayeke tene so lo yeke na ngia;+ mo yeke zia lo lâ oko pëpe na tïtî awato ti lo si ala sara ye ti bê ti ala na lo.+   Jéhovah ayeke mû na lo ngangu na ndö ti tange ti kobela;+ na ngoi kue so terê ti lo angbâ ti son, mo yeke changé abongo ti gbogbo ti lo.   Ndani la mbi tene: “Jéhovah, sara nzoni bê na mbi.+ Sava mbi,*+ ndali ti so mbi sara siokpari na terê ti mo.”+   Me awato ti mbi atene sioni tënë ti mbi, ala tene: “Lo yeke kui ande lawa si azo agirisa na ndö ti iri ti lo?”   Tongana mbeni oko ti ala aga ti bâ mbi, bê ti lo apusu lo ti tene mvene. Lo leke ti tene mbeni tënë so ayeke sara sioni na zo; na pekoni, lo gue lo kangbi ni na ndo kue.   Azo kue so ake mbi adiko tënë na terê ti mbi na mba na gbe ti go ti ala; ala mä terê ti sara sioni na mbi, ala tene:   “Mbeni ye so amû kota mbeto na zo awara lo awe; so lo yeke na sese, lo yeke londo encore ape.”+   Même zo so mbi na lo e yeke na siriri, so mbi zia bê ti mbi na ndö ti lo,+ so ayeke te kobe ti mbi, ayô ndagere ti lo na terê ti mbi.*+ 10  Me mo, Jéhovah, sara nzoni bê na mbi na yô mbi na nduzu, si mbi kiri na ala peko ti ye so ala sara na mbi. 11  Na lege ti ye so la mbi yeke hinga so mbi nzere na mo: Tongana mbi bâ so wato ti mbi alingbi pëpe ti dekongo ti songo benda na ndö ti mbi.+ 12  Âdu ti mbi, mo yeke gbu mbi na nduzu ndali ti so mbi yeke sara ye lakue mbilimbili;+ mo yeke sara si mbi ngbâ na gbele mo lakue lakue.+ 13  Zia si a sepela Jéhovah, Nzapa ti Israël, lakue lakue nga kpu na kpu.*+ Amen, Amen.

Kete tënë

Wala “âme ti mbi.”
Wala “atourné na terê ti mbi.”
Wala “ngbene ye giriri nga lakue lakue.”