Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 4:1-8

LI TI ATËNË NI

  • Sambela so afa so zo ayeke na confiance na Nzapa

    • ‘Sara ngonzo, me sara siokpari ape’ (4)

    • “Mbi yeke lango na siriri” (8)

Na mokonzi ti azo ti pikango mozoko. Ti pika ni na aye ti mozoko so ayeke na kamba. Bia ti David. 4  Nzapa ti mbi so mo yeke mbilimbili,+ tongana mbi toto na mo, kiri tënë na mbi. Na ngoi so mbi yeke na yâ ti vundu, sara si mbi wara lege ti sigi dä.* Sazra nzoni bê na mbi nga mä sambela ti mbi.   Amolenge ti zo, juska lawa la ala yeke ngbâ ti sara si nengo ti mbi atï? Juska lawa la ala yeke ngbâ ti ye senge ye nga ti gi ye so ayeke mvene? (Sélah)   Zia ala hinga so zo so angbâ gï na Jéhovah, Lo yeke sara ye na zo ni na mbeni lege so ayeke nde;* Mbi yeke iri ndo na Jéhovah, na lo yeke mä mbi.   Tongana ngonzo asara ala, ala sara siokpari pëpe.+ Ala diko tënë na yâ ti bê ti ala, na ndö ti gbogbo ti ala, na ala zi yanga pëpe. (Sélah)   Ala mû asandaga ti mbilimbili, na ala zia bê ti ala na Jéhovah.+   Azo mingi ayeke tene: “Zo wa la ayeke sara ande si e bâ aye ti nzoni zo wa?” Jéhovah, e ye si lumière ti lê ti mo aza na ndö ti e.+   Mo sara si bê ti mbi asi na ngia ahon ti azo so ako gbâ ti alê ti kobe na so ayeke na gbâ ti fini vin.   Mbi yeke tï ti lango, na mbi yeke lango na siriri,+ ndali ti so a yeke gï mo, Jéhovah, la mo sara si mbi duti na siriri.+

Kete tënë

Na Hébreu: “leke kota ndo ndali ti mbi.”
Wala “Lo yeke zia nde zo ti lo so angbâ gï na lo; zia zo ti lo so angbâ gï na lo nde ndali ti lo wani.”