Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 36:1-12

LI TI ATËNË NI

  • Tâ ndoye ti Nzapa ayeke kota mingi

    • Zo ti sioni akpe mbeto ti Nzapa ape (1)

    • Nzapa la amû fini na zo (9)

    • “Na lege ti lumière ti mo, e bâ lumière” (9)

Na mokonzi ti azo ti pikango mozoko. Psaume ti David, wakua ti Jéhovah. 36  Kengo ndia ayeke sara tënë na zo ti sioni kâ na yâ ti bê ti lo; mbeto ti Nzapa ayeke na lê ti lo pëpe.+   So lo bâ terê ti lo so lo yeke kota mingi, lo lingbi pëpe ti bâ faute ti lo si lo ke ni.+   Atënë ti yanga ti lo asara sioni na zo nga ahanda zo; lo fa so lo hinga pëpe ti bâ yâ ti aye nzoni si lo sara ye ti nzoni.   Même na ndö ti gbogbo ti lo, lo yeke leke na mayele ti sara ye ti sioni na azo. Lo ye gï ti mû lege so ayeke nzoni pëpe; lo ke ye ti sioni pëpe.   Jéhovah, tâ ndoye ti mo asi juska na yayu;+ aye so afa so mo yeke be-ta-zo ague juska andu ambinda.   Mbilimbili ti mo ayeke tongana akota hoto;*+ angbanga so mo fâ ayeke tongana angu so lê ni akono nga so alï mingi.+ Jéhovah, zo na nyama, mo la mo bata ala na fini.*+   Nzapa ti mbi, tâ ndoye ti mo ayeke kota mingi!+ A yeke na gbe ti akpangbi ti mo la amolenge ti azo akpe dä ti bata terê ti ala.+   Ala nyon anzoni ye* ti yâ ti da ti mo, yâ ti ala asi;+ mo sara si ala nyon anzerengo ye ti mo so ayeke sua.+   Mo la mo mû fini na aye kue;+ na lege ti lumière ti mo, e bâ lumière.+ 10  Ngbâ ti fa tâ ndoye na azo so ahinga mo,+ nga ti fa mbilimbili ti mo na ala so bê ti ala avuru.+ 11  Zia pëpe si gere ti azo ti fandara atambela na ndö ti mbi, nga zia pëpe si maboko ti azo ti sioni atomba mbi. 12  Bâ, azo ti sioni atï awe; a kinda ala, na ala lingbi ti londo pëpe.+

Kete tënë

Na Hébreu: “tongana ahoto ti Nzapa.”
Wala “mo sö ala.”
Na Hébreu: “aye ti mafuta.”