Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 34:1-22

LI TI ATËNË NI

  • Jéhovah ayeke zi azo ti lo na yâ ti aye ti ngangu

    • “Zia e yâa iri ti lo na nduzu legeoko” (3)

    • Ange ti Jéhovah ayeke bata zo (7)

    • ‘Tara na bâ tongana nyen Jéhovah ayeke nzoni’ (8)

    • ‘A kungbi abio ti lo oko ape’ (20)

Psaume ti David, na ngoi so lo sara ye tongana zo ti fou+ na gbele Abimélek, si Abimélek atomba lo, na lo hon. א [Aleph] 34  Mbi yeke sepela Jéhovah na ngoi kue;yanga ti mbi ayeke ngbâ lakue ti sepela lo. ב [Beth]   Mbi yeke* pika kate ti mbi na ndö ti Jéhovah;+azo so asara terê ti ala kete ayeke mä ni, na ala yeke duti na ngia. ג [Guimel]   Azo, ala fa kota ti Jéhovah legeoko na mbi;+zia si e yâa iri ti lo na nduzu legeoko. ד [Daleth]   Mbi hunda ye na Jéhovah, na lo kiri tënë na mbi.+ Lo zi mbi na yâ ti aye kue so amû mbeto na mbi.+ ה []   Lê ti azo so abâ ndo na mbage ti lo aza zango;a lingbi ti zia kamene na lê ti ala pëpe. ז [Zaïn]   Zo ti mawa airi ndo, na Jéhovah amä lo. Lo sö lo na yâ ti aye ti vundu kue so asi na lo.+ ח [Heth]   Ange ti Jéhovah asara camp na terê ti azo so akpe mbeto ti Lo,+na lo sö ala.+ ט [Teth]   Ala tara na ala bâ tongana nyen Jéhovah ayeke nzoni;+ngia ayeke na zo so akpe na mbage ti lo ti bata terê ti lo. י [Yod]   Ala azo ti be-vulu kue, ala kpe mbeto ti Jéhovah,ndali ti so azo so akpe mbeto ti lo, ye oko amanke ala pëpe.+ כ [Kaph] 10  Même angangu bamara so akono awe* si ayeke ngangu ayeke wara ye ti tengo ni pëpe;me azo so agi Jéhovah, ye ti nzoni ayeke manke ala pëpe.+ ל [Lamed] 11  Amolenge ti mbi, ala ga ala mä mbi;mbi yeke fa na ala kpengo mbeto ti Jéhovah.+ מ [Mem] 12  Zo wa la na popo ti ala, gigi anzere na lo? Zo wa la aye gigi nga ti bâ gbâ ti alango so ayeke nzoni?+ נ [Noun] 13  Tongaso, bata langue ti mo si mo tene sioni tënë pëpe,+nga bata yanga ti mo si mo tene tënë ti handa pëpe.+ ס [Samek] 14  Tourné peko na ye so ayeke sioni na mo sara ye so ayeke nzoni;+gi siriri, na mo tomba peko ni.+ ע [Aïn] 15  Lê ti Jéhovah ayeke na ndö ti azo ti mbilimbili,+na mê ti lo ayeke mä ala tongana ala toto ti wara mungo maboko.+ פ [] 16  Me lê ti Jéhovah ake azo so ayeke sara ye ti sioni,ti zi na ndö ti sese aye kue so ayeke dabe ti azo na ala.+ צ [Tsadé] 17  Azo ti mbilimbili atoto, na Jéhovah amä ala;+lo zi ala na yâ ti aye ti vundu ti ala kue.+ ק [Qoph] 18  Jéhovah ayeke nduru na azo so mbeni ye amû vundu na ala ngangu;+lo sö azo so bê ti ala awoko kue.+ ר [Resh] 19  Aye ti ngangu so asi na zo ti mbilimbili ayeke mingi,+me Jéhovah azi lo na yâ ti aye so kue.+ ש [Shin] 20  Lo bata abio ti lo kue;a kungbi mbeni oko pëpe.+ ת [Taw] 21  Ye ti ngangu ayeke fâ azo ti sioni;azo so ake azo ti mbilimbili, a yeke tene ande so tënë ayeke na li ti ala. 22  Jéhovah ayeke sö fini* ti awakua ti lo;azo so akpe na mbage ti lo ti bata fini ti ala, a yeke tene ande pëpe so tënë ayeke na li ti ala.+

Kete tënë

Wala “Âme ti mbi ayeke.”
Wala “koli-bamara so akono awe.”
Wala “âme.”