Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 31:1-24

LI TI ATËNË NI

  • Kpengo na mbage ti Jéhovah ti bata terê

    • “Mbi zia yingo ti mbi na maboko ti mo” (5)

    • “Jéhovah, Nzapa ti tâ tënë” (5)

    • Nzoni ti Nzapa ayeke mingi (19)

Na mokonzi ti azo ti pikango mozoko. Bia ti David. 31  Jéhovah, mbi kpe na mo ti bata terê ti mbi.+ Zia si a bi kamene na lê ti mbi pëpe.+ Sö mbi ndali ti so mo yeke mbilimbili.+   Dengi mê ti mo na mbi. Ga hio mo sö mbi.+ Ga mbeni ngangu gbagba so ayeke na ndö ti hoto, si mbi bata terê ti mbi dä, mbeni ngangu gbagba ti sö mbi.+   Mo yeke kota tênë ti mbi na ngangu gbagba ti mbi;+ ndali ti iri ti mo,+ mo yeke gue na mbi na mbeni ndo, na mo yeke fa lege na mbi.+   Mo yeke zi mbi na yâ ti gbanda so na hondengo ni ala zia ti tene agbu mbi,+ ndali ti so mo yeke ngangu gbagba ti mbi.+   Mbi zia yingo ti mbi na maboko ti mo.+ Jéhovah, Nzapa ti tâ tënë,*+ mo zi mbi.   Mbi ke azo so avoro ayanda, so ayeke asenge senge ye; me ti mbi, mbi zia bê ti mbi na ndö ti Jéhovah.   Mbi yeke duti na ngia mingi ndali ti tâ ndoye ti mo, ngbanga ti so mo bâ pasi ti mbi;+ mo hinga kota vundu ti mbi.*   Mo zia mbi pëpe na maboko ti wato ti mbi, me mo sara si mbi luti na mbeni ndo so a peut ti sara sioni na mbi dä pëpe.*   Jéhovah, sara nzoni bê na mbi, ndali ti so mbi yeke na yâ ti vundu. Vundu asara si lê ti mbi afatigué,+ nga terê ti mbi kue* awoko.+ 10  Gigi ti mbi asi singo na vundu,+ nga gigi ti mbi kue asi singo na dema.+ Ngangu ti mbi ague ti hunzi ndali ti faute ti mbi; abio ti mbi kue awoko.+ 11  Awato ti mbi kue ahe mbi hengo,+ mingi ni a yeke avoizin ti mbi. Mbi ga ye so amû mbeto na azo so ahinga mbi. Tongana ala bâ mbi na popo ti azo, ala kpe ala hon.+ 12  Ala bi bê ti ala na ndö ti mbi pëpe na ala girisa mbi awe, mo bâ mo tene mbi kui awe; mbi ga tongana mbeni fango ta. 13  Mbi mä gbâ ti asioni tënë so azo ayeke diko na terê ti mbi; ye ti mungo mbeto na zo angoro mbi kue.+ Tongana ala bungbi tongana zo oko ti ke mbi, ala mä terê ti zi fini* ti mbi.+ 14  Me mbi zia bê ti mbi na ndö ti mo, Jéhovah.+ Mbi tene: “Mo yeke Nzapa ti mbi.”+ 15  Alango* ti mbi ayeke na yâ ti maboko ti mo. Zi mbi na maboko ti awato ti mbi nga na azo so ayeke sara ye ti ngangu na mbi.+ 16  Zia si lumière ti lê ti mo aza na ndö ti mbi wakua ti mo.+ Na lege ti tâ ndoye ti mo, sö mbi. 17  Jéhovah, zia kamene na lê ti mbi pëpe na ngoi so mbi toto na mo.+ Zia kamene agbu azo ti sioni;+ zia si yanga ti ala akanga na yâ ti Dû ti kuâ.*+ 18  Zia si yanga ti azo ti mvene akanga,+ yanga ti azo so baba apusu ala ti sara sioni tënë na terê ti azo ti mbilimbili na fandara nga na nengo zo pëpe. 19  Nzoni ti mo ayeke mingi!+ Mo bata ni ndali ti azo so akpe mbeto ti mo;+ mo fa ni na gbele azo kue, ndali ti azo so akpe na mo ti bata terê ti ala.+ 20  Mo yeke honde ala na ndo so mo yeke dä, na mbeni ndo so zo ahinga ni pëpe+ si ye so azo amä terê ti sara na ala awara ala pëpe; mo yeke honde ala na yâ ti kpangba ti mo si aye ti sioni so azo aleke ti sara na ala awara ala pëpe.+ 21  Zia si a sepela Jéhovah, ndali ti so lo fa tâ ndoye na mbi+ na mbeni lege so apika bê mingi, na ngoi so mbi yeke na yâ ti mbeni gbata so awato asara camp na terê ni.+ 22  Âdu ti mbi, li ti mbi aga kirikiri si mbi tene: “Mbi yeke kui na gbele mo!”+ Me mo mä dema so mbi dema na mo ti mû maboko na mbi na ngoi so mbi toto na mo.+ 23  Ala azo kue so ayeke be-ta-zo na Jéhovah, ala ndoye lo!+ Jéhovah ayeke bata azo so ayeke be-ta-zo,+ me azo kue so asara ye na fandara, lo yeke punir ala ngangu mingi.+ 24  Ala kue so ayeke ku Jéhovah,+ ala sara mbeto pëpe nga ala kpengba terê ti ala!+

Kete tënë

Wala “Nzapa so ayeke be-ta-zo.”
Wala “kota vundu ti âme ti mbi.”
Wala “ndo so akono.”
Wala “âme ti mbi nga yâ ti mbi.”
Wala “âme.”
Na Hébreu: “Angoi.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.