Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 30:1-12

LI TI ATËNË NI

  • Toto aga ngia

    • Nzoni bê ti Nzapa ayeke ti lakue lakue (5)

Bia. Bia so a he ni na ngoi so a yeke mû da na Nzapa. Psaume ti David. 30  Jéhovah, mbi yeke gonda mo, ndali ti so mo yô mbi na nduzu,* mo zia pëpe si awato ti mbi aduti na ngia ndali ti ye so asi na mbi.+   Jéhovah, Nzapa ti mbi, mbi toto na mo ti mû maboko na mbi, na mo sava mbi.+   Jéhovah, mo sigi na mbi* na yâ ti Dû ti kuâ.*+ Mo bata fini ti mbi, mo kanga lege si mbi descend na yâ ti dû* pëpe.+   Ala azo ti lo so ayeke be-ta-zo, ala he bia* ti sepela Jéhovah!+ Ala kiri singila na lo, ndali ti iri ti lo so ayeke nzoni-kue,*+   ndali ti so tongana lo sara ngonzo na terê ti zo, a yeke gï teti kete ngoi,+ me tongana lo sara nzoni bê na zo, a yeke na yâ ti fini ti zo ni kue.+ Zo alingbi ti toto na lakui, me na ndapre, lo yeke dekongo na ngia.+   Na ngoi so mbi yeke na gingo bê pëpe, mbi tene: “Ye ayeke yengi mbi lâ oko pëpe.”*   Jéhovah, na ngoi so mo sara nzoni bê na mbi, mo sara si mbi kpengba tongana hoto.+ Me na ngoi so mo honde lê ti mo na mbi, mbeto ahon ndö ti mbi.+   Jéhovah, lani mbi yeke toto na mo lakue;+ mbi yeke voro yanga na Jéhovah lakue ti sara nzoni bê na mbi.   Nzoni ti nyen la kuâ* ti mbi ayeke ga na ni? Nzoni ti nyen la ayeke ga tongana mbi descend na yâ ti dû?*+ Fuku ti sese ayeke sepela mo?+ Fuku ti sese ayeke fa so mo yeke be-ta-zo?+ 10  Jéhovah, mä mbi na sara nzoni bê na mbi.+ Jéhovah, mû maboko na mbi.+ 11  Mo sara si mbi dodo ahon ti sara mua; mo zi bongo ti vundu ti mbi, na mo yü na mbi ngia tongana bongo, 12  si mbi he bia ti sepela mo, na mbi kanga yanga ti mbi pëpe. Jéhovah, Nzapa ti mbi, mbi yeke sepela mo lakue lakue.

Kete tënë

Wala “mo gboto mbi na gigi.”
Wala “âme ti mbi.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “dû ti kuâ.”
Wala “pika mozoko.”
Na Hébreu: “ye so adabe ti azo na lo.”
Wala “Mbi yeke tambela lâ oko pëpe tongana zo so asoulé.”
Na Hébreu: “mênë.”
Wala “dû ti kuâ?”