Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 29:1-11

LI TI ATËNË NI

  • Go ti Jéhovah so atoto ngangu

    • Ala yü pendere bongo ti voro na Jéhovah (2)

    • “Go ti Nzapa ti gloire atoto tongana bekpa” (3)

    • Jéhovah amû ngangu na azo ti lo (11)

Bia ti David. 29  Amolenge ti awangangu, ala mû na Jéhovah ye so lo yeke na droit ti wara ni, ala mû ni na Jéhovah ndali ti gloire nga na ngangu ti lo!+   Ala mû na Jéhovah gloire so alingbi na iri ti lo. Ala yü apendere bongo so a zia ni nde ndali ti kua ti Nzapa, ala kuku na gbe ti* Jéhovah.   A mä go ti Jéhovah na ndö ti angu; go ti Nzapa ti gloire atoto tongana bekpa.+ Jéhovah ayeke na ndö ti gbâ ti angu.+   Go ti Jéhovah atoto ngangu;+ toto ti go ti Jéhovah ayeke ye ti gloire.   Toto ti go ti Jéhovah akungbi akeke ti cèdre; Jéhovah afâ yâ ti akeke ti cèdre ti Liban.+   Lo sara si Liban* ahuru tongana molenge ti bagara, nga Sirion+ ahuru tongana ngbä so akono awe.   Go ti Jéhovah atoto, na alê ti wâ asigi dä.+   Toto ti go ti Jéhovah asara si benyama ayengi;+ Jéhovah asara si benyama ti Cadès+ ayengi.   Toto ti go ti Jéhovah asara si terê ti alekpa adö na ala dü, a zi aporo ti keke ti yâ ti gbako.+ Nga azo kue so ayeke na yâ ti temple ti lo atene: “Gloire!” 10  Jéhovah aduti na ndö ti trône na ndö ti kota ngu so apika si asuku amû ndo;*+ Jéhovah aduti na ndö ti trône tongana Gbia lakue lakue.+ 11  Jéhovah ayeke mû ngangu na azo ti lo.+ Tufa ti Jéhovah ayeke sara si azo ti lo aduti na siriri.+

Kete tënë

Wala “voro.”
Na bango ni, a ye ti sara tënë ti ahoto ti Liban.
Wala “akota ngu so ayeke na nduzu.”