Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 27:1-14

LI TI ATËNË NI

  • Jéhovah, ngangu gbagba ti batango fini ti mbi

    • Ngia ndali ti temple ti Nzapa (4)

    • Même tongana babâ na mama ti zo ake lo, Jéhovah ake lo ape (10)

    • “Zia bê ti mo na ndö ti Jéhovah” (14)

Psaume ti David. 27  Jéhovah ayeke lumière ti mbi+ na salut ti mbi. Zo wa la mbi yeke sara mbeto ti lo?+ Jéhovah ayeke ngangu gbagba ti batango fini ti mbi.+ Zo wa la mbeto ti lo ayeke hon ande ndö ti mbi?   Na ngoi so azo ti sioni alondo na terê ti mbi ti futi mbi,+ azo so ake mbi nga awato ti mbi la apika gere ti ala na ala tï.   Atâa tongana aturugu asara camp na terê ti mbi, bê ti mbi ayeke dö na mbeto pëpe.+ Atâa tongana azo alondo ti sara bira na mbi, même na ngoi ni so, mbi yeke gi bê ti mbi pëpe.   Ye oko so mbi hunda na Jéhovah, ye so mbi yeke gi, ayeke so: mbi ye ti duti na da ti Jéhovah na yâ ti gigi ti mbi kue,+ ti ngbâ ti bâ nzoni ti Jéhovah nga ti bâ temple ti lo na ngia na bê.+   Na ngoi ti ye ti ngangu, lo yeke honde mbi na ndo so lo duti dä,+ lo yeke honde mbi na yâ ti tente ti lo+ na mbeni ndo so azo ahinga ni pëpe; lo yeke zia mbi kâ na nduzu na ndö ti mbeni kota tênë.+   Fadeso, li ti mbi ayeke na nduzu ahon awato ti mbi so angoro mbi; na tente ti lo, mbi yeke mû asandaga nga mbi yeke dekongo na ngia; mbi yeke he bia* ti sepela Jéhovah.   Jéhovah, mä mbi tongana mbi toto na mo,+ sara nzoni bê na mbi na kiri tënë na mbi.+   Bê ti mbi afa peko ti yanga ti mo, atene: “Ala gi ti bâ lê ti mbi.” Jéhovah, mbi yeke gi ti bâ lê ti mo.+   Honde lê ti mo na mbi pëpe.+ Na lê ti ngonzo, kanga lege pëpe na mbi, wakua ti mo, ti ga na mbage ti mo. Mo yeke zo ti mungo maboko na mbi;+ ke mbi pëpe wala zia mbi pëpe, Nzapa ti salut ti mbi. 10  Même tongana babâ na mama ti mbi adö mbi azia,+ Jéhovah ayeke mû mbi na ndo ti lo.+ 11  Jéhovah, fa na mbi lege ti mo;+ ndali ti awato ti mbi, gue na mbi na lege so ayeke mbilimbili. 12  Zia mbi pëpe na maboko ti awato ti mbi,+ ndali ti so atémoin ti mvene alondo na terê ti mbi,+ ala tene ala yeke sara ye ti ngangu na mbi. 13  Tongana fade mbi mä na bê pëpe so mbi yeke bâ ande nzoni bê ti Jéhovah na popo ti azo so ayeke na fini, ka mbi yeke duti na ndo wa?*+ 14  Zia bê ti mo na ndö ti Jéhovah;+ sara mbeto pëpe nga kpengba terê ti mo.+ Zia bê ti mo na ndö ti Jéhovah.

Kete tënë

Wala “pika mozoko.”
A lingbi nga ti tene “Biani mbi hinga so mbi yeke bâ ande nzoni bê ti Jéhovah na kodro ti azo so ayeke na fini.”