Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 26:1-12

LI TI ATËNË NI

  • Sarango ye lakue mbilimbili

    • “Jéhovah, bâ mbi nzoni” (2)

    • Kpe asioni kamarade (4, 5)

    • ‘Mbi yeke ngoro gbalaka ti Nzapa’ (6)

Psaume ti David. 26  Jéhovah, fâ ngbanga ti mbi, ndali ti so mbi sara ye lakue mbilimbili;+ mbi zia bê ti mbi na Jéhovah, sân ti gi bê ti mbi.+   Jéhovah, bâ mbi nzoni, na tara bê ti mbi; zi asioni pensé so ayeke na gbe ti bê ti mbi* nga na asioni ye so ayeke na yâ ti bê ti mbi,+   ndali ti so tâ ndoye ti mo ayeke lakue na gbele mbi, na mbi yeke tambela na yâ ti tâ tënë ti mo.+   Mbi sara kamarade* pëpe na azo ti handa;+ mbi kpe azo so ahonde vrai sarango ye ti ala.*   Mbi ye kete pëpe ti duti na popo ti azo ti sioni,+ na mbi ke ti sara kamarade*+ na ala.   Mbi yeke sukula tïtî mbi ti fa so tënë ayeke na li ti mbi pëpe, nga, Jéhovah, mbi yeke ngoro gbalaka ti mo,   ti sara si azo amä tënë ti singila+ so mbi tene nga ti fa tënë ti akusala ti mo kue so adö bê.   Jéhovah, mbi ye mingi da so mo duti dä,+ ndo so gloire ti mo ayeke dä.+   Zi mbi* legeoko na awasiokpari pëpe,+ nga zi fini ti mbi pëpe legeoko na azo so asara ye ti ngangu na zo,* 10  ala so maboko ti ala asara ye ti kamene nga so yâ ti maboko ti ala ti koli asi singo na goro. 11  Me ti mbi, mbi yeke sara ye lakue mbilimbili. * mbi, na sara nzoni bê na mbi. 12  Gere ti mbi aluti na ndo so ayeke kpangbala;+ mbi yeke sepela Jéhovah na yâ ti kota congrégation.*+

Kete tënë

Na Hébreu: “arein ti mbi.”
Na Hébreu: “duti.”
Wala “mbi duti pëpe na popo ti azo ti handango lê ti zo.”
Na Hébreu: “mbi duti pëpe.”
Wala “âme ti mbi.”
Wala “azo ti tukungo mênë.”
Na Hébreu: “Zi.”
Na Hébreu: “na popo ti azo so abungbi.”