Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 25:1-22

LI TI ATËNË NI

  • Sambela ti hunda fango lege nga pardon

    • “Fa na mbi alege ti mo” (4)

    • ‘Akota kamarade ti Jéhovah’ (14)

    • “Pardonné asiokpari ti mbi kue” (18)

Psaume ti David. א [Aleph] 25  Jéhovah, mbi bâ ndo na mbage ti* mo. ב [Beth]   Nzapa ti mbi, mbi zia bê ti mbi na ndö ti mo;+zia si a bi kamene na lê ti mbi pëpe.+ Zia pëpe si awato ti mbi aduti na ngia ndali ti ye so asi na mbi.+ ג [Guimel]   Ti tâ tënë ni, zo so aku mo, kamene ayeke sara lo pëpe.+ Me kamene ayeke sara ande azo so, gï senge senge tongaso, ala sara ye na handa.+ ד [Daleth]   Jéhovah, sara si mbi hinga alege ti mo;+fa na mbi alege ti mo.+ ה []   Sara si mbi tambela na yâ ti tâ tënë ti mo, na fa ye na mbi,+ndali ti so mo yeke Nzapa ti salut ti mbi. ו [Waw] Mbi zia bê ti mbi ti ku mo na ngoi kue. ז [Zaïn]   Jéhovah, girisa pëpe nzoni bê ti mo nga na tâ ndoye ti mo,+so mo fa ni lakue.*+ ח [Heth]   Dabe ti mo pëpe na asiokpari so mbi sara na lâ ti maseka ti mbi nga na akengo ndia ti mbi. Jéhovah, dabe ti mo na mbi alingbi na tâ ndoye ti mo,+ndali ti nzoni so mo sara.+ ט [Teth]   Jéhovah ayeke nzoni nga lo yeke mbilimbili,+ndani la lo fa na awasiokpari lege ti duti na fini.+ י [Yod]   Lo yeke fa na azo so asara terê ti ala kete tongana nyen ti sara ye na lege ni,*+nga lo yeke fa lege ti lo na ala.+ כ [Kaph] 10  Alege ti Jéhovah kue afa so lo yeke fa tâ ndoye nga lo yeke be-ta-zona azo so abata tënë ti mbele ti lo+ nga na awango ti lo.+ ל [Lamed] 11  Jéhovah, ndali ti iri ti mo,+pardonné faute ti mbi, atâa so a yeke kota. מ [Mem] 12  Zo wa la akpe mbeto ti Jéhovah zo wa?+ Lo yeke fa na lo lege so a lingbi lo mû.+ נ [Noun] 13  Lo yeke* wara ande aye ti nzoni+ na yâ ti gigi ti lo,na sese+ ayeke ga ande ti ahale* ti lo. ס [Samek] 14  Azo so akpe mbeto ti Jéhovah la ayeke akota kamarade ti lo;+lo fa tënë ti mbele ti lo na ala.+ ע [Aïn] 15  Lê ti mbi ayeke lakue na mbage ti Jéhovah,+ndali ti so lo yeke zi ande gere ti mbi na yâ ti gbanda.+ פ [] 16  Tourné lê ti mo na mbage ti mbi, na sara nzoni bê na mbi,ndali ti so mbi yeke gï mbi oko, na zo ti mû maboko na mbi ayeke dä pëpe. צ [Tsadé] 17  Aye ti mungo vundu na mbi awu mingi;+zi mbi na yâ ti vundu ti mbi. ר [Resh] 18  Bâ pasi ti mbi nga na akpale ti mbi,+na pardonné asiokpari ti mbi kue.+ 19  Bâ tongana nyen awato ti mbi ayeke mingi,nga tongana nyen ala ke mbi bê oko. ש [Shin] 20  Bata fini* ti mbi, na sö mbi.+ Zia si a zia kamene na lê ti mbi pëpe, ndali ti so mbi kpe na mbage ti mo ti bata terê ti mbi. ת [Taw] 21  So mbi yeke sara ye lakue mbilimbili nga na lege ni, a bata mbi,+ndali ti so mbi zia bê ti mbi na ndö ti mo.+ 22  Nzapa, zi Israël na yâ ti aye ti vundu ti lo kue.

Kete tënë

Wala “mbi yâa âme ti mbi na.”
Wala “so ayeke dä depuis giriri.”
Na Hébreu: “ti fâ ngbanga.”
Wala “Âme ti lo ayeke.”
Na Hébreu: “ngongoa.”
Wala “âme.”