Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 24:1-10

LI TI ATËNË NI

  • Gbia ti gloire alï na ayanga ti gbagba ni

    • ‘Sese ayeke ti Jéhovah’ (1)

Psaume ti David. Bia. 24  Sese na aye kue so ayeke na ndö ni ayeke ti Jéhovah;+sese so kobe alingbi ti sigi dä nga azo so asara kodro na ndö ni ayeke ti lo.   Lo sara si sese aluti nzoni na ndö ti angu-ingo,+lo sara si a luti nzoni na ndö ti angu.   Zo wa la alingbi ti monté na ndö ti hoto ti Jéhovah zo wa?+ Zo wa la alingbi ti luti na ndo ti lo so ayeke nzoni-kue zo wa?   Zo so maboko ti lo na bê ti lo avuru,+zo so adeba ti mvene na ndö ti Mbi* pëpe,wala lo deba ti handa lê ti zo pëpe.+   Lo yeke wara ande tufa ti Jéhovah,+nga Nzapa ti salut ti lo+ ayeke bâ lo tongana zo ti mbilimbili.   So ayeke azo so ayeke gi lo,*azo so agi ti bâ lê ti mo, Nzapa ti Jacob. (Sélah)   “Ayanga ti gbagba, ala yô li ti ala na nduzu,+ala ayanga ti da so ayeke dä depuis giriri, ala zi,*si Gbia ti gloire alï!”+   “Gbia ti gloire ni ayeke zo wa?” “A yeke Jéhovah so lo kpengba nga lo yeke na ngangu mingi,+a yeke Jéhovah so ayeke ngangu mingi na yâ ti bira.”+   “Ayanga ti gbagba, ala yô li ti ala na nduzu,+ala ayanga ti da so ayeke dä depuis giriri, ala zi,si Gbia ti gloire alï!” 10  “Gbia ti gloire ni ayeke zo wa?” “A yeke Jéhovah ti aturugu; lo la lo yeke Gbia ti gloire ni.”+ (Sélah)

Kete tënë

Wala “âme ti Mbi,” so ti tene âme ti Jéhovah.
Wala “So ayeke azo so ayeke na fini na ngoi so la si ayeke gi lo.”
Wala “londo.”