Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 22:1-31

LI TI ATËNË NI

  • Ti londo na vundu ti si na sepela

    • “Nzapa ti mbi, mo zia mbi ngbanga ti nyen?” (1)

    • “Ala sara mbeni ye ti bâ wala bongo ti mbi ayeke ga ti zo wa” (18)

    • David asepela Nzapa na yâ ti congrégation (22, 25)

    • A lingbi azo ti sese kue avoro Nzapa (27)

Na mokonzi ti azo ti pikango mozoko. Ti pika ni alingbi na bia “Mama ti lekpa ti ndapre.”* Bia ti David. 22  Nzapa ti mbi, Nzapa ti mbi, mo zia mbi ngbanga ti nyen?+ Ndani nyen si mo ngbâ yongoro, mo ga mo sö mbi ape so? Nga mo ngbâ yongoro, mo mä dema ti mbi ape so?+   Nzapa ti mbi, na kota lâ mbi ngbâ ti toto na mo, me mo kiri tënë pëpe;+ na bï, mbi duti kpô pëpe.   Me mo yeke nzoni-kue,+ atënë ti sepela ti azo ti Israël angoro mo kue.*   Ababâ ti e azia lani bê ti ala na ndö ti mo;+ ala zia bê ti ala na ndö ti mo, na mo sö ala.+   Ala toto na mo, na mo sö ala; ala zia bê ti ala na ndö ti mo, na ala wara vundu dä pëpe.*+   Me mbi yeke mbeni ngusu, mbi yeke zo pëpe; azo abâ mbi tongana mbumbuse zo* nga ala zere mbi ngangu.+   Azo kue so abâ mbi ayeke he mbi hengo;+ ala zere mbi nga ala yengi li ti ala,+ ala tene:   “Lo zia bê ti lo kue na Jéhovah. Zia Lo zi lo ma! Zia Lo sö lo, ndali ti so Lo ye lo mingi!”+   Mo la mo sigi na mbi na yâ ti mama ti mbi,+ Mo la mo sara si mbi duti nzoni na terê ti me ti mama ti mbi. 10  Ngbene ye so a dü mbi, a zia mbi na tïtî mo* ti bâ lege ti mbi; ngbene ye so mbi de na yâ ti mama ti mbi, mo yeke Nzapa ti mbi. 11  Ngbâ yongoro na mbi pëpe ndali ti so kpale aga nduru awe,+ na mbi yeke na mbeni zo nde ti mû maboko na mbi pëpe.+ 12  Gbâ ti akoli-bagara so akono awe angoro mbi;+ angangu bagara ti Basan angoro mbi kue.+ 13  Ala zi yanga ti ala kota na terê ti mbi,+ tongana bamara so atoto na asuru yâ ti nyama so lo gbu lo kete kete.+ 14  Ngangu ti mbi ahon kue tongana ngu so a tuku ni kue na sese, abio ti mbi kue azi na lê ti terê. Bê ti mbi aga tongana cire;+ a ga tongana ngu na yâ ti mbi.+ 15  Ngangu ti mbi ahon kue tongana mbeni fango ta;+ langue ti mbi agbu terê na nyama ti pembe ti mbi;+ mo mû mbi mo zia mbi na yâ ti dû ti tene mbi kui.+ 16  Ambo angoro mbi kue;+ ala ga na ndö ti mbi tongana gbâ ti azo ti sioni,+ ala te maboko ti mbi na gere ti mbi+ tongana bamara. 17  Mbi lingbi ti diko abio ti mbi kue.+ Awato ti mbi abâ mbi, lê ti ala ayeke gï na terê ti mbi. 18  Ala kangbi yâ ti bongo ti mbi na popo ti ala, na ala bi mbeni ye ti mû lege na ala ti bâ wala bongo ti mbi ayeke ga ti zo wa.+ 19  Me mo, Jéhovah, mo ngbâ yongoro kâ pëpe.+ Mo yeke ngangu ti mbi; ga hio mo mû maboko na mbi.+ 20  Bata mbi* si épée afâ mbi pëpe, zi fini ti mbi, so ayeke kota ye mingi,* na maboko ti ambo.+ 21  Sö mbi na yanga ti bamara+ nga na didi ti angbä; kiri tënë na mbi nga sö mbi. 22  Mbi yeke fa ande iri ti mo na aita ti mbi;+ mbi yeke he bia ande ti sepela mo na yâ ti congrégation.+ 23  Ala azo so akpe mbeto ti Jéhovah, ala sepela lo! Ala ahale* ti Jacob kue, ala mû gloire na lo!+ Ala sara mbeto ti lo, ala ahale* ti Israël kue. 24  Lo bâ tongana senge ye pëpe pasi ti zo so azo asara pasi na lo, nga lo ke lo pëpe;+ lo honde lê ti lo na lo pëpe.+ Tongana lo toto na lo ti hunda mungo maboko, lo mä lo.+ 25  Mbi yeke sepela mo na popo ti gbâ ti azo so abungbi;+ na gbele azo so akpe mbeto ti Nzapa, mbi yeke sara ye alingbi na azendo so mbi mû. 26  Azo so abâ terê ti ala kete ayeke te ye yâ ti ala asi;+ azo so agi Jéhovah ayeke sepela lo.+ Zia si ala ngbâ na fini* lakue lakue. 27  Juska na nda ti sese kue, azo ayeke dabe ti ala na Jéhovah na ala tourné na mbage ti lo. Asewa kue ti amara ayeke kuku na gbe ti mo.+ 28  Mbata ti gbia ayeke ti Jéhovah,+ lo komande na ndö ti amara. 29  Azo kue ti sese so ye ti ala amaï* ayeke te ye na ala kuku na sese; azo kue so ayeke kiri ande fuku ti sese ayeke sara agenou na gbe ti lo, mbeni zo na popo ti ala alingbi ti bata fini* ti ala pëpe. 30  Ahale* ti ala ayeke sara na lo; a yeke fa ande ye na ndö ti Jéhovah na azo so ayeke bâ gigi gï na peko ti ala. 31  Ala yeke ga, ala sara tënë ti mbilimbili ti lo, ala yeke fa ande na azo so ade ti dü ala pëpe tënë ti ye so lo sara.

Kete tënë

Peut-être a yeke mbeni mozoko wala gere ti mozoko.
Wala “mo yeke na ndö ti trône na popo ti azo ti Israël.”
Wala “a zia kamene na lê ti ala pëpe.”
Wala “mbi yeke ye ti kamene na lê ti azo.”
Na Hébreu: “a bi mbi na ndö ti mo.”
Wala “âme ti mbi.”
Na Hébreu: “ayeke gï oko ye ti mbi,” so ti tene âme ti lo, wala fini ti lo.
Na Hébreu: “ngongoa.”
Na Hébreu: “ngongoa.”
Na Hébreu: “Zia si bê ti ala angbâ na fini.”
Na Hébreu: “Azo so asi singo na mafuta.”
Wala “âme.”
Na Hébreu: “Mbeni ngongoa.”