Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 21:1-13

LI TI ATËNË NI

  • Tufa na ndö ti gbia so azia bê ti lo na Jéhovah

    • Gbia ni ayeke ngbâ na fini aninga (4)

    • Lo yeke hon awato ti Nzapa na ngangu (8-12)

Na mokonzi ti azo ti pikango mozoko. Bia ti David. 21  Jéhovah, gbia ayeke na ngia+ ndali ti ngangu ti mo; lo yeke na ngia mingi ndali ti aye so mo sara ti sö zo!+   Mo mû na lo ye so bê ti lo aye,+ nga mo gbanzi lo pëpe na ye so lo hunda na mo. (Sélah)   Mo sara si lo wara anzoni ye mingi, mo zia couronne so a leke na lor ti nzoni ni* na li ti lo.+   Lo hunda mo ti mû na lo fini, na mo mû ni na lo,+ mo mû na lo fini so aninga,* fini ti lakue lakue.   Aye so mo sara ti sö zo asara si lo wara kota gloire.+ Mo sara si lo wara nengo nga na gloire.   Mo sara si lo wara tufa lakue lakue;+ mo sara si ngia so zo ayeke wara na gbele* mo azia ngia na bê ti lo.+   Gbia azia bê ti lo na ndö ti Jéhovah;+ tâ ndoye ti Lo so ayeke na nduzu na ndö ti aye kue asara si ye ayeke yengi gbia lâ oko pëpe.*+   Maboko ti mo ayeke gbu awato ti mo kue; maboko ti mo ti koli ayeke gbu azo so ake mo.   Na ngoi so mo diko ni awe ti bâ lege ti ala, mo yeke sara si ala ga tongana four so amû wâ ngangu. Na lê ti ngonzo, Jéhovah ayeke mene ala, na wâ ayeke gbi ala kue.+ 10  Mo yeke futi ande ahale* ti ala na ndö ti sese, mo yeke futi ahale ti ala na popo ti amolenge ti azo, 11  ndali ti so ala ye fade ti sara mbeni ye so ayeke sioni na terê ti mo;+ na mayele, ala leke ti sara ambeni ye, me a yeke ga ande nzoni pëpe.+ 12  Mo yeke sara ande si ala zi terê ti ala, ala hon+ na lege so mo zia kokora* ti mo na mbage ti ala ti pika ala.* 13  Jéhovah, mo londo mo fa ngangu ti mo. E yeke he ande bia* ti sepela kota ngangu ti mo.

Kete tënë

Wala “lor so a zi saleté ni awe.”
Na Hébreu: “gbâ ti alango.”
Na Hébreu: “na gbe ti lê ti.”
Wala “gbia ayeke tambela lâ oko pëpe tongana zo so asoulé.”
Na Hébreu: “lengo.”
Na Hébreu: “akamba ti kokora.”
Na Hébreu: “lê ti ala.”
Na Hébreu: “he bia nga e pika mozoko.”