Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 20:1-9

LI TI ATËNË NI

  • 20 Nzapa asö gbia ti lo so lo soro lo

    • Ambeni zo azia bê ti ala na ndö ti apuse ti mbarata na ambarata, “me ti e, e yeke di iri ti Jéhovah” (7)

Na mokonzi ti azo ti pikango mozoko. Bia ti David. 20  Zia si Jéhovah akiri tënë na mo na yâ ti ngoi ti ye ti vundu. Zia si iri ti Nzapa ti Jacob abata mo.+   Zia si, kâ na ndo so ayeke nzoni-kue, lo sara mbeni ye ti mû maboko na mo,+ nga na Sion,+ lo mû ngangu na mo.   Zia si lo dabe ti lo na asandaga kue so mo mû na lo na matabisi, zia si lo yeda na nzoni bê na sandaga ti mo* so a zö ni agbi kue. (Sélah)   Zia si lo mû na mo aye so bê ti mo aye,+ nga lo sara si aye kue so mo leke ti sara* aga nzoni.   E yeke dekongo ande na ngia ndali ti aye so mo sara ti sö zo;+ e yeke yô ande abanderole ti e na nduzu na iri ti Nzapa ti e.+ Zia si Jéhovah amû na mo ye kue so mo hunda.   Fadeso mbi hinga so Jéhovah asö zo ti lo so lo soro lo.+ Na yayu, so ayeke nzoni-kue, Nzapa akiri tënë na lo na lege ti kota salut* so maboko ti lo ti koli aga na ni.+   Ambeni zo azia bê ti ala na ndö ti apuse ti mbarata;+ ti ambeni, a yeke ambarata; me ti e, e yeke di iri ti Jéhovah, Nzapa ti e.+   Ala tï gï hio tongaso; me ti e, e londo na e kiri e luti nzoni.+   Jéhovah, sö gbia ni!+ Kiri tënë na e na ngoi so e iri mo ti mû maboko na e.+

Kete tënë

Na Hébreu: “lo bâ sandaga ti mo tongana mafuta ti nyama.”
Wala “wango ti mo.”
Wala “asongo benda.”