Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 2:1-12

LI TI ATËNË NI

  • Jéhovah nga na zo ti lo so lo soro lo

    • Jéhovah ahe amara(4)

    • Jéhovah azia zo ti lo na ndö ti trône (6)

    • Zia azo ane molenge ni (12)

2  Ngbanga ti nyen amara alondo na wusuwusu? Ngbanga ti nyen azo ti amara ayeke diko tënë na gbe ti go* na ndö ti mbeni ye so ayeke gï senge senge?+   Agbia ti sese aleke terê ti ala nga akota zo ti akodro abungbi tongana zo oko*+ ti ke Jéhovah nga na zo ti lo so lo soro lo.*+   Ala tene: “Zia e fâ chaîne ti ala na terê ti e na e zi kamba ti ala na terê ti e, e bi ni yongoro!”   Lo so ayeke na ndö ti trône na yayu ayeke he ngia; Jéhovah ayeke he ala.   Na ngoi ni so, lo yeke sara tënë na ala na yâ ti ngonzo ti lo nga na yâ ti kota ngonzo ti lo, lo yeke zia mbeto na yâ ti ala,   lo tene: “Mbi wani mbi zia gbia ti mbi+ na ndö ti Sion,+hoto ti mbi so ayeke nzoni-kue.”   Mbi ye ti fa mbela ti Jéhovah; lo tene na mbi: “Mo yeke molenge ti mbi;+ laso mbi ga babâ ti mo.+   Hunda mbi, na mbi yeke mû na mo amara ti ga ye ti mo nga mbi mû na mo sese kue.+   Mo yeke kungbi yâ ti ala na keke ti mo ti gbia so a sara ni na wen,+ na mo yeke fâ yâ ti ala kete kete tongana ta ti sese.”+ 10  Tongaso, agbia, ala sara ye na ndara; ajuge ti sese, ala yeda si a kiri na ala na nzoni lege.* 11  Ala sara na Jéhovah na mbeto na bê, ala duti na ngia me ala kpe mbeto ti lo. 12  Ala ne* molenge ni,+ tongaso pëpe Nzapa ayeke* sara ngonzo, na ala yeke kui na lege,+ ndali ti so ngonzo ti lo ayeke londo hio. Ngia ayeke na azo kue so akpe na mbage ti lo ti bata terê ti ala.

Kete tënë

Wala “ayeke gbu li.”
Wala “amä terê.”
Wala “nga na Christ ti lo.”
Wala “zia a gboto mê ti ala.”
Na Hébreu: “su ngbangba ti.”
Na Hébreu: “lo yeke.”