Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 19:1-14

LI TI ATËNË NI

  • Aye so Nzapa acréé nga na andia ti lo asara tënë ti témoin

    • ‘Yayu afa na gigi gloire ti Nzapa’ (1)

    • Ndia ti Nzapa so alingbi kue asara si zo akiri awara ngangu (7)

    • “Afaute so mbi sara sân ti tene mbi hinga” (12)

Na mokonzi ti azo ti pikango mozoko. Bia ti David. 19  Yayu ayeke fa na gigi gloire ti Nzapa;+ nduzu* afa na gigi akusala ti maboko ti lo.+   Lango oko oko, tënë asigi na yanga ti ala tongana ngu; bï oko oko, ala fa na gigi hingango ye.   Ala sara tënë tâ tongaso pëpe, a mä go ti ala pëpe.   Me lego ti ala* asigi juska na ndö ti sese kue, na tënë so ala yeke fa ague juska na nda ti sese kue so azo ayeke dä.*+ Na yayu, lo leke mbeni tente ndali ti lâ;   lâ ayeke tongana fini koli so alondo na chambre ti lo si ayeke sigi; lo yeke tongana mbeni wangangu so terê ti lo anzere ti kpe loro ti lo.   Lo londo na mbeni mbage ti yayu, lo ngoro juska na mbeni mbage ni;+ ye oko akpe ndowa ti lo pëpe.   Ndia ti Jéhovah ayeke mbilimbili-kue,+ a sara si zo akiri awara ngangu.*+ Awango ti Jéhovah, zo alingbi ti zia bê dä,+ na a sara si zo so ahinga ndo mingi pëpe aga zo ti ndara.+   Yanga so Jéhovah amû na ndö ti aye nde nde ayeke mbilimbili, na a zia ngia na bê ti zo;+ commandement ti Jéhovah, sioni ye ayeke dä pëpe, na a sara si lê ti zo azi.+   Ye ti sioni ayeke pëpe na yâ ti kpengo mbeto ti Jéhovah,+ na a ngbâ lakue lakue. Angbanga so Jéhovah afâ ayeke tâ tënë, ni kue ayeke mbilimbili.+ 10  Zo asara nzara ni ahon lor, ahon lor ti nzoni ni,*+ na a nzere ahon mafuta ti otoro,+ mafuta ti otoro so alondo na da ni ayuru. 11  Aye ni so kue agboto mê ti wakua ti mo;+ zo so abata aye so ayeke wara futa mingi.+ 12  Zo wa la alingbi ti hinga afaute ti lo+ wani zo wa? Zi tënë na li ti mbi ndali ti afaute so mbi sara sân ti hinga ni. 13  Nga, kanga lege na mbi wakua ti mo ti sara ye na fandara;+ zia pëpe si asarango ye ni so akomande mbi.+ Tongaso, ye oko ayeke manke mbi pëpe,+ na tënë ayeke na li ti mbi pëpe ndali ti asiokpari ti mbana.* 14  Zia si atënë ti yanga ti mbi nga na atënë so mbi gbu li ti mbi dä anzere na mo,+ Jéhovah, Kota tênë ti mbi+ nga Zo so azi mbi.+

Kete tënë

Wala “lê ti nduzu.”
A lingbi nga ti tene “kamba ti ala ti mungo na mesure ti ye.”
Wala “sese so kobe alingbi ti sigi dä.”
Wala “a sara si âme ti zo akiri dä.”
Wala “lor so a zi saleté ni awe.”
Wala “gbâ ti siokpari.”