Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 17:1-15

LI TI ATËNË NI

  • Sambela so na yâ ni a hunda Nzapa ti bata zo

    • “Mo bâ yâ ti bê ti mbi” (3)

    • “Na gbe ti kpangbi ti mo” (8)

Sambela ti David. 17  Jéhovah, mbi toto na mo ti tene mo fâ ngbanga mbilimbili na mbi; mä mbi. Mä mbi tongana mbi toto na mo ti mû maboko na mbi; mä sambela ti mbi so tënë ti handa ayeke na yâ ni pëpe.+   Zia mo fâ ngbanga ti mbi na lege ni;+ zia lê ti mo abâ ye so ayeke na lege ni.   Mo bâ yâ ti bê ti mbi nzoni, mo bâ mbi nzoni na bï,+ mo zi sioni ye kue na terê ti mbi;+ mo yeke bâ so mbi leke na bê ti mbi pëpe ti sara mbeni sioni ye, nga yanga ti mbi ake ndia pëpe.   Âdu ti akusala ti azo, ti gue oko na tënë ti yanga ti mo, mbi kpe alege ti azo ti nzi.+   Zia si gere ti mbi angbâ na ndö ti alege ti mo, si mbi pika gere ti mbi pëpe.+   Nzapa, mbi iri ndo na mo ndali ti so mo yeke kiri tënë na mbi.+ Dengi mê ti mo, mo mä* mbi. Mä atënë ti mbi.+   Sauveur ti azo so akpe na mbage ti maboko ti mo ti koli ti bata terê ti ala ndali ti azo so alondo ti sara kpengba-li na mo, fa tâ ndoye ti mo na mbeni lege so apika bê ti zo mingi.+   Bata mbi tongana vuko lê ti mo;+ honde mbi na gbe ti kpangbi ti mo.+   Bata mbi ndali ti azo ti sioni so ayeke tiri na mbi, ndali ti awato ti mbi* so angoro mbi.+ 10  Ala bâ mawa ti zo pëpe;* yanga ti ala asara tënë na baba; 11  fadeso, ala kanga lege na e si e fono pëpe;+ lê ti ala ayeke na ndö ti e, ala yeke gi ti sara si e tï.* 12  Ala oko oko kue ayeke tongana bamara so ayeke nduru ti suru yâ ti nyama kete kete, tongana bamara so akono awe so ahonde terê ti lo ti gbu nyama. 13  Jéhovah, mo londo na terê ti lo+ mo kinda lo; sö mbi* na maboko ti zo ti sioni na lege ti épée ti mo; 14  Jéhovah, sö mbi na maboko ti mo, sö mbi na maboko ti azo ti dunia,* so ye so agbu bê ti ala ayeke gï aye ti gigi so,+ ala so mo mû na ala gbâ ti anzoni ye,+ na ala so azia héritage na gbâ ti amolenge ti ala. 15  Âdu ti mbi, mbi yeke bâ ande lê ti mo ndali ti so mbi yeke mbilimbili; terê ti mbi anzere tongana mbi zingo si mbi bâ mo.*+

Kete tënë

Wala “Kuku na mo mä.”
Wala “awato ti âme ti mbi.”
Wala “Mafuta ti terê ti ala amû terê ti ala kue.”
Wala “ti mû e ti bo e na sese.”
Wala “âme ti mbi.”
Wala “aye ti ngoi so.”
Wala “forme ti mo.”