Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 16:1-11

LI TI ATËNË NI

  • Jéhovah, Nzapa so anzoni ye alondo na lo

    • “Jéhovah ayeke part ti mbi” (5)

    • ‘Atënë ti bê ti mbi na bï akiri na mbi na nzoni lege’ (7)

    • ‘Jéhovah ayeke na mbage ti maboko ti mbi ti koli’ (8)

    • “Mo yeke zia mbi ti tene mbi ngbâ na yâ ti Dû ti kuâ ape” (10)

Mictam* ti David. 16  Nzapa, bata mbi, ndali ti so mbi kpe na mbage ti mo ti bata terê ti mbi.+   Mbi tene na Jéhovah: “Mo yeke Jéhovah, anzoni ye ti mbi kue alondo na mo.   Azo ti be-vulu so ayeke na ndö ti sese, azo so ayeke na gloire mingi, azia ngia mingi na bê ti mbi.”+   Azo so amû peko ti ambeni nzapa awara gï vundu na vundu.+ Mbi yeke tuku lâ oko pëpe asandaga ti mênë na ala, nga iri ti ala ayeke sigi na yanga ti mbi pëpe.+   Jéhovah ayeke part ti mbi,+ ye so a bata ni ndali ti mbi nga na kopo ti mbi.+ Mo bata héritage ti mbi nzoni.   Ando so a mû mesure ni si a mû na mbi anzere na mbi mingi. Ti tâ tënë ni, héritage+ so mbi wara anzere na mbi.   Mbi yeke sepela Jéhovah so amû wango na mbi.+ Même na bï, atënë so ayeke na gbe ti bê ti mbi* akiri na mbi na nzoni lege.+   Mbi zia Jéhovah na gbele mbi lakue.+ So lo yeke na mbage ti maboko ti mbi ti koli, ye ayeke yengi mbi lâ oko pëpe.*+   Ni la, bê ti mbi ayeke na ngia nga terê ti mbi kue* anzere. Mbi duti* na siriri. 10  Mo yeke zia mbi ti tene mbi ngbâ na yâ ti* Dû ti kuâ* pëpe.+ Mo yeke zia lege ande pëpe si terê ti zo ti mo so ayeke be-ta-zo so abâ dû.*+ 11  Mo sara si mbi hinga lege ti fini.+ Ngia ayeke mingi na gbele mo; ngia*+ ayeke na mbage ti maboko ti mo ti koli lakue lakue.

Kete tënë

Na Hébreu: “arein ti mbi.”
Wala “mbi yeke tambela lâ oko pëpe tongana zo so asoulé.”
Na Hébreu: “gloire ti mbi.”
Wala “Terê ti mbi aduti.”
Wala “Mo yeke dö âme ti mbi ti zia na yâ ti.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
A lingbi nga ti tene “akui na afun.”
Wala “nzerengo terê.”