Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 15:1-5

LI TI ATËNË NI

  • Zo wa la Jéhovah ayeke yamba lo na yâ ti tente ti lo?

    • Lo yeke tene tâ tënë na yâ ti bê ti lo (2)

    • Lo pa zo ape (3)

    • Lo bata zendo ti lo même tongana aga na lo kpale (4)

Bia ti David. 15  Jéhovah, zo wa la mo yeke yamba lo na yâ ti tente ti mo? Zo wa la ayeke sara kodro na ndö ti hoto ti mo so ayeke nzoni-kue?+   Zo so sarango ye ti lo alingbi kue,*+ lo yeke sara ye so ayeke na lege ni,+ nga lo yeke tene tâ tënë na yâ ti bê ti lo.+   Lo pa zo na yanga ti lo pëpe,+ lo sara sioni na mba ti lo pëpe,+ nga lo buba iri* ti akamarade ti lo pëpe.+   Lo ke zo kue so ayeke tâ sioni,+ me lo ne azo so akpe mbeto ti Jéhovah. Tongana lo mû zendo,* lo yeke kiri na peko pëpe, atâa a ga na lo kpale.+   Lo sara bon intérêt na zo pëpe.+ Lo yeda pëpe ti mû goro ti bi tënë na li ti zo so tënë ayeke na li ti lo pëpe.+ Zo so asara aye so, ye ayeke yengi lo lâ oko pëpe.*+

Kete tënë

Wala “so ayeke sara ye lakue mbilimbili.”
Wala “bi kamene na lê.”
Na Hébreu: “lo deba yanga.”
Wala “lo yeke tambela lâ oko pëpe tongana zo so asoulé.”