Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 149:1-9

LI TI ATËNË NI

  • Bia ti sepela Nzapa ndali ti so lo sö benda

    • Bê ti Nzapa anzere na terê ti azo ti lo (4)

    • Azo ti Nzapa so ayeke be-ta-zo na lo ayeke na pasa ti sepela lo (9)

149  Ala sepela Jah!* Ala he fini bia na Jéhovah,+ ala sepela lo na yâ ti congrégation ti azo so ayeke be-ta-zo.+   Zia Israël aduti na ngia ndali ti Kota Nzapa so asara lo,+ zia amolenge ti Sion aduti na ngia ndali ti Gbia ti ala.   Zia ala sepela iri ti lo na lege ti dodo,+ nga ala he bia ti sepela* lo na ngoi so a yeke pika tambourin na harpe.+   Bê ti Jéhovah anzere na terê ti azo ti lo.+ Salut so lo mû na azo so asara terê ti ala kete asara pendere ti ala.+   Zia azo so ayeke be-ta-zo aduti na ngia na yâ ti gloire; zia ala dekongo na ngia na ndö ti agbogbo ti ala.+   Zia si a wara na yanga ti ala abia ti sepelango Nzapa, nga na maboko ti ala épée so yanga ni ayeke use,   ti tene ala kiri na amara peko ti sioni so ala sara, nga ala punir azo ti amara,   ti tene ala kanga agbia ti ala na chaîne nga akota zo ti kodro ti ala na wen,   nga ti tene ala sara ye alingbi na tënë ti ngbanga so a sû na terê ti ala.+ Azo ti lo kue so ayeke be-ta-zo la ayeke na pasa ti sara ni. Ala sepela Jah!*

Kete tënë

Wala “Alléluia!” “Jah” ayeke nduru iri ti Jéhovah.
Wala “pika mozoko na.”
Wala “Alléluia!” “Jah” ayeke nduru iri ti Jéhovah.